NOTA DE PRENSA
O PP convoca unha reunión de empresarios e comerciantes sobre o parque empresarial.
Os populares consideran prioritaria esta actuación.
Aproveitarán para falar do Centro Comercial Aberto.
O PP vén de convocar unha reuniòn de empresarios e comerciantes para falar da construcción do parque empresarial en Burela. A reunión, que terá lugar mañán, venres, ás oito da tarde, nos locais da Confederación de Empresarios Lucenses, CEL, de Burela, foi convocada para explicar os pasos que se teñen dado a efectos da construcción do parque empresarial, segundo afirmou o presidente do PP burelés e portavoz do Grupo Municipal, José María González Barcia.
González Barcia considera que nestes momentos, e mais ca nunca, o tecido empresarial de Burela está preocupado. Barcia considera que esa preocupación é múltiple, xa que estamos nunha situación de crise económica que agora xá ninguén nega; non se vé claridade na liña de actuación do bigoberno burelés para formalizar axudas para paliar os efectos da crise; tampouco se vé claridade á hora de abordar o parque empresarial, se non máis ven o contrario; hai dúbidas, e mui serias, sobre o trazado do corredor Barreiros-San Cibrao pólo noso termo municipal, e todo eso está creando unha fonda inseguridade no tecido empresarial burelés, recalcou González Barcia.
Para o presidente do PP burelés e portavoz municipal, os empresários e comerciantes precisan de información clara e veraz, ademais de que desde as administracións se aposte por eles, pero con decisión. Nese senso, Barcia lembrou que a idea do Centro Comercial Aberto, mui avanzada nos últimos meses de mandato municipal do PP, agora está totalmente paralizada. Unha pena, segundo Barcia, que considera que se vén de perder unha boa oportunidade de reforzar o comercio de Burela ante a situación de crise que estamos a vivir.
O PP confia en que a asistencia sexa masiva e tamén en que os asistentes saian da reunión coas ideas claras e coa información precisa sobre o que se fixo, se está a facer, e o que se pode e debe facer.
O PP di que a CRTVG instalará unha cámara web no Porto de Burela.
Consideran que esto serve para promocionar o concello.
Afirman que a xestión foi feita polos representantes do PP no Consello de Administración da CRTVG, a petición dos populares de Burela.
O PP burelés afirmou hoxe que a TVG, a Televisión de Galicia, colocará no Porto de Burela unha cámara web, que permitirá ver en tempo real o peirao burelés.
Os populares recibiron onte, mércores, a noticia, por parte dos representantes do PP no consello de administración da CRTVG. Foran precisamente os populares de Burela os que instaran ós seus representantes a solicitar a colocación dunha webcam no porto burelés, por considerar de suma importancia para a promoción global do concello, tanto a nivel de actividade pesqueira coma de punto de interese turístico.
O PP burelés confia en que esta cámara web se coloque canto antes, e recoñecen o interese que puxo a propia TVG na colocación da indicada webcam, que servirá para ofrecer imaxes en directo coma ocurre coas colocadas nas grandes cidades galegas, en Pedrafita, ou outros lugares de interesse.
En Burela, a vintetrés de Outubro de dous mil oito.
O PP de Burela.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
