Navia de Suarna, 29 de xuño de 2020. Luís Álvarez, candidato ás eleccións autonómicas pola provincia de Lugo criticou este luns “os desequilibrios territoriais que promoveu o Goberno de Feijóo na provincia. Hoxe, aquí na montaña lucense podemos comprobar o abandono e o desprezo do PP ao mundo rural. Temos que reverter esta situación e frear as políticas de recortes que do PP de Feijóo, Galicia necesita un novo tempo político”. Así o dixo en Navia de Suarna tras realizar unha visita co Alcalde, José Fernández.
“O vindeiro 12X temos a oportunidade de impulsar un novo modelo de país da man de Gonzalo Caballero. Por iso, non pode quedar na casa un só voto progresista que poida decidir un proxecto de futuro social que abra 2.000 prazas de maiores en residencias públicas, que convoque 5.000 prazas estables na sanidade. Un proxecto que impulse as políticas sociais, de igualdade e de protección, e que pase páxina de 11 anos sen política industrial nos que Galicia perdeu 70.000 postos de traballo”, avanzou Álvarez.
Pola súa banda o Alcalde de Navia de Suarna, José Fernández, denunciou as carencias que sofre o Concello, mentres Feijóo seguen mirando cara outro lado. “É imprescindible a instalación dunha depuradora na vila, que levamos anos demandando, así como o arranxo da estrada LU-722 que une Navia a río de Pé, que accede a Asturias. Queremos vivir e traballar na Montaña Lucense, e necesitamos boas vías de comunicación, queremos ter os mesmos dereitos que os que viven nos grandes núcleos, nós tamén pagamos impostos”, advertiu.
Recortes no Plan de Camiños e Aprol Rural
Fernández tamén fixo alusión aos recortes no Plan de Camiños que Feijóo rebaixou nun 1 millón de euros na provincia. “Navia de Suarna recibe nesta última anualidade 17. 822 euros, cando no 2016 percibía 69. 671 euros, polo tanto houbo un recorte de 51.848 euros”. E tamén aludiu ao reparto caciquil e clientelar do PP co programa Aprol Rural 2020. “Fai un ano recibimos investimento para contratar a dous traballadores, e este ano, só nos concederon un. Esta é aposta do PP pola montaña lucense, recortes e ninguneo”. E insistiu nas súas criticas “durante esta crise do COVID os concellos estivemos completamente sos, a Xunta do PP non puxo enriba da mesa ningunha axuda económica para reactivar os concellos”.
Residencia
Pola contra o rexedor puxo en valor o traballo que se fixo desde a Deputación. “Que puxo a disposición do Goberno galego as instalacións das cinco residencias de atención a persoas maiores, entre as que se incluía a Navia de Suarna, para dispoñer delas en caso de necesidade de recursos ante a crise sanitaria. Unha residencia que se fixo con cero euros de investimentos do PP. Si hoxe desfrutamos desta dotación é porque goberna o PSdeG”, insistiu.
Visita a Cervantes
Luís Álvarez, xunto con membros candidatura Rosana Rielo, Manuel Marey, Alejandro Trashorras, realizou unha visita previa ao Concello de Cervantes xunto co Alcalde, Benigno Gómez. Nesta xornada estivo acompañado tamén polos voceiros da Comarca, Carmen Álvarez a Ana Rubinos e do Deputado no Congreso, Javier Cerqueiro.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
