Lugo, 3 de xullo, 2020. O presidente do PPdeG, Alberto Núñez Feijóo, propuxo dúas opcións para Alcoa: que o Goberno central saque de forma inmediata unha tarifa eléctrica para as empresas hiperelectrointensivas ou que destine 10.000 millóns de euros, que vai aprobar hoxe no Consello de Ministros, a comprar ou participar de xeito transitorio en Alcoa, do mesmo xeito que vai inxectar capital a outras empresas estratéxicas a través da SEPI.
Para o líder dos populares galegos, “entre estas dúas opcións está a solución”: ou enerxía a prezo competitivo ou préstamo participativo e participación no capital da empresa. “Non estamos dispostos a perder Alcoa”, asegurou Feijóo, ao tempo que incidiu en que o Executivo central está a tomar “unha decisión política, non técnica nin de mercado”, ao non establecer un prezo competitivo da enerxía para este tipo de industrias. Segundo o presidente do PPdeG, son decisións que “estrangulan” sectores estratéxicos para a provincia.
Nun acto de industria celebrado en Lugo, Feijóo asegurou que Alcoa é viable, xa que o sector do aluminio está considerado como un sector estratéxico en España, tal e como se recoñeceu durante a pandemia ao manter esta factoría aberta e producindo. Tal e como remarcou, esta factoría é a única empresa de aluminio primario de España e o obxectivo é volver poñela ao servizo do mercado.
PERDA DE DIÑEIRO
Porén, lembrou que Alcoa non pode producir aluminio cun prezo da enerxía superior a 35-38 euros por megavatio. E, tras explicar que a empresa perdeu diñeiro en 2018 e 2019, agora está a perder 6 millóns de euros cada mes. Neste punto, fixo fincapé en que durante os gobernos de Rodríguez Zapatero e de Mariano Rajoy conseguíronse tarifas eléctricas competitivas e se destinaron arredor de 500 millóns de euros a este sector.
O presidente dos populares galegos lamentou o engano do Executivo central, ao anunciar que a poxa de interrumpibilidade para Alcoa ía seguir existindo como antes e se ía facer, ademais, un marco para acreditar ás industrias hiperelectrointensivas e darlle así un prezo estable da tarifa eléctrica: “Mentíronnos coa poxa de interrumpibilidade e nos enganaron co estatuto de electrointensivas, porque ningunha das dúas cousas se fixeron conforme o previsto”.
A pesar de que a Xunta non ten competencia á hora de establecer o prezo eléctrico, o pasado mes de febreiro, os gobernos de Galicia, Asturias e Cantabria remitiron aos ministerios de Transición Ecolóxica e de Industria unha proposta consensuada de tarifa eléctrica que, tal e como lamentou, “non tivo resposta”. E, onte mesmo, o Goberno galego aprobou no Consello da Xunta un Plan para a industria electrointensiva no que se declara este sector como esencial e estratéxico, se lle outorga tratamento prioritario aos proxectos desta industria e se reduce á metade a tramitación dos contratos bilaterais propostos polo Goberno central.
UN PLAN DE REACTIVACIÓN ECONÓMICA
Por outra banda, Feijóo tamén se referiu ás medidas económicas postas en marcha para recuperar a actividade económica, xerar emprego e fortalecer os servizo públicos, tras a crise sanitaria polo Covid-19. Neste senso, puxo en valor o Plan de reactivación económica, dotado con máis de 3.000 millóns de euros de investimento público e privado.
Entre as medidas que inclúe, figuran: unha liña de préstamos para pemes e autónomos; as vacacións fiscais ata o vindeiro 1 de novembro e axilización de pago a provedores e subvencións; axudas para que as empresas adapten os seus procesos produtivos para fabricar material sanitario e de prevención laboral; o apoio aos traballadores a partir de 55 anos que sufriron a extinción do seu contrato; anticipos de ata 1.500 euros aos traballadores afectados por un ERTE que non cobraron a prestación do Goberno; e axudas para a transformación do comercio, o turismo, a hostalería e os servizos para facilitar a súa volta á actividade.
A isto sumouse onte un programa de financiamento para achegar liquidez a pemes e autónomos, dotado con máis de 60 millóns de euros.
SECTORES ESTRATÉXICOS PARA A ECONOMÍA GALEGA
Referíndose en concreto a Lugo, salientou que esta provincia recibiu nos últimos dez anos un total de 475 millóns de euros en axudas, que conseguiron mobilizar máis de 920 millóns de euros e beneficiaron a preto de 50.000 persoas: 287 millóns de euros en emprego e formación a empresas e concello; preto de 100 millóns de euros en axudas do Igape; máis de 20 millóns de euros en apoios á instalación de caldeiras de biomasa e outras medidas de aforro enerxético; o Bono Social Eléctrico; o fomento de iniciativas en I+D+i; e investimentos para apoiar a dixitalización, modernización e expansión comercial de sectores con compoñente socioeconómico importante.
Así mesmo, subliñou a posta en marcha do polo aeronáutico en Lugo aproveitando a pista de Rozas. Neste proxecto investiranse 164 millóns de euros para a creación de 420 postos de traballo. Na actualidade, hai 35 proxectos que se están a desenvolver.
Por último, tamén destacou a importancia do sector forestal nesta provincia, así como das industrias agrogandeiras, o sector vitivinícola ou a pesca. Neste punto, dixo que falar de Lugo é falar de sectores estratéxicos “sólidos e consolidados” para a economía de Galicia.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
