Ribadeo, 6 de agosto de 2020. APAGA (Asociación de Profesores de Automoción de Galicia) organiza a novena edición do Fórum de Innovación e Formación sobre Vehículos do 25 ao 28 de agosto, que terá lugar no centro Pedro Murias, de Ribadeo. Este ano abordaranse temas como a edición de libros electrónicos e o vehículo eléctrico. O programa completarase cunha serie de actividades lúdicas, que permitirán aos participantes visitar varios lugares da comarca. O aforo está limitado a 50 persoas, debido ao covid, pero aínda quedan algunhas prazas libres.
O presidente de APAGA, Álvaro Doural, contou que “este ano decidimos, tendo en conta as diversas enquisas do nivel de satisfacción que facemos todos os anos cando remata o Fórum, dar resposta a ese tipo de solicitudes dos participantes, especialmente daqueles que veñen de fora da comunidade autónoma de Galicia. Entón imos incluír, dentro do programa, unha serie de actividades lúdicas como un paseo en barca pola ría, unha visita á fabrica de Sargadelos, outra a Taramundi e tamén faremos algunha actividade no porto de Rinlo”.
Doural explicou que “o esquema do Fórum vai ser moi parecido aos anos anteriores, pola mañá haberá ponencias e pola tarde talleres. Incorpórase un taller de editor de libros electrónicos, creo que é interesante no momento en que estamos no que din que moita da formación vai ser online ata que se resolva o tema do covid. Imos facer algunha actividade máis neste senso, ao longo do ano, de apoio ao profesorado e a aquela xente da empresa que queira introducirse no mundo dos editores de libros electrónicos”.
O presidente de APAGA engadiu que “vai ter tamén unha parte importante o tema de vehículos eléctricos con talleres. Estamos rematando aínda parte do programa porque estabamos considerando se celebrar o Fórum ou non, pero creo que debemos continuar con todas as medidas de seguridade e hixiene que require o covid e tirar para adiante. Penso que é importante, o país necesita non paralizar máis cousas, xa hai bastantes paralizadas e iso trae consigo que moita xente perda o seu traballo. Intentaremos ser un exemplo de apoio a esta situación que vivimos neste momento”.
Álvaro Doural lembrou que “como sempre é unha actividade aberta, este ano ten o condicionante da limitación de aforo a 50 persoas, pero aínda hai algunha praza libre. Aquelas persoas que estean interesadas en participar neste evento poden poñerse en contacto a través da nosa páxina web www.apaga.es, ou do noso correo electrónico apagaribadeo@gmail.com ou a través do teléfono da asociación 639 88 49 45”.
A inauguración do IX Fórum de Innovación e Formación sobre Vehículos será o 25 de agosto ás 10 da mañá.
APAGA organiza do 25 ao 28 de agosto o IX Fórum de Innovación e Formación sobre Vehículos, que se celebrará no centro Pedro Murias, de Ribadeo
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
