Lugo, a 6 de agosto de 2020. Os senadores do PP lucense cren que o acordo sobre o uso dos aforros dos concellos marxina ao rural e, polo tanto, interésanse na cámara alta por coñecer as consecuencias para os concellos lucenses da proposta do Goberno sobre o uso dos remanentes de tesourería das entidades locais. “Queremos saber como afecta e en que prexudica ao rural da nosa provincia esta decisión do Goberno que saíu adiante na xunta de goberno da FEMP cos únicos votos a favor do PSOE e o voto de calidade do presidente, Abel Caballero”, manifestan.
Preguntan así mesmo os populares no Senado a canto ascende a cantidade total do remanente dos concellos en toda a provincia de Lugo; así coma o remanente de cada Concello de forma individual. E, nese sentido, cantos concellos da provincia quedan fóra do reparto dos 5.000 millóns de euros habilitado polo Goberno para ingresar ás entidades locais entre o 2020 e o 2021; pero só a aquelas que teñan entregado ao Executivo a totalidade dos seus remanentes de tesourería a 31 de decembro de 2019.
Censuran os senadores do PP esta decisión que “marxina aos concellos que non contan con remanentes ou que pecharon o 2019 con débeda”; xa que “non recibirán nin un só euro”. O Executivo central repartirá os fondos única e exclusivamente entre as entidades locais que se adhiran ao acordo; pero só poderán adherirse aquelas que teñan remanente positivo. As que teñan débeda deberán amortizala e, trala súa amortización, poden quedarse sen remanentes e, polo tanto, excluídas do fondo”, explican.
Trátase dun acordo “decepcionante e totalmente inxusto para as entidades locais” que “non poderán gastar este ano o seu remanente, debido a que estará nas mans do Goberno que non empezará a devolvelo ata o ano 2022”. Isto é máis grave aínda nestes momentos porque, segundo expoñen, “ante unha crise económica como a que estamos enfrontando, esta proposta do Ministerio de Hacienda non recolle ningunha posibilidade de investir os remanentes municipais en medidas de fomento e recuperación do emprego; senón que, pola contra, pon unha cuestión contable por enriba das necesidades dos cidadáns”.
Os senadores do Partido Popular tildan este acordo como “un espolio para os concellos e as deputacións” porque “dá vía libre ao Goberno central para facerse cos aforros municipais”.
Os populares condenan, ademais, que “este acordo sen consenso traizoa a vontade das entidades locais” que tiñan solicitado por unanimidade ao Goberno de España poder utilizar o 100% do seu remanente de tesourería para gastos xerais como recurso imprescindible, flexibilizar a regra de gasto, un fondo de 5.000 millóns de euros incondicionado para todas as entidades locais con atención especial a aquelas que non dispuxeran de Remanente de Tesourería ou consideradas en situación de risco financeiro; outro fondo para o sostemento do transporte público urbano colectivo e un terceiro fondo para a xestión do Ingreso Mínimo Vital.
Ataque á autonomía local
Para os populares este acordo que non goza do consenso habitual da FEMP destrúe a autonomía local recoñecida no artigo 137 da Constitución porque “obriga ás entidades locais a gastar o diñeiro recibido nunha lista de actuacións definidas polo Goberno”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
