Foz, 12 de agosto de 2020. Con fins solidarios ven de editarse e presentarse unha lámina, da que é autor o profesor Antón Niñe, que recolle a historia dos barcos antigos que operaron no porto de Foz durante pasado século XX. A iniciativa é financiada polo Centro Comercial Aberto focense.
En total son 500 láminas, unha parte será distribuída entre os comercios asociados: “200 láminas vanse repartir entre os nosos asociados e asociadas, que as porán á venda ao prezo de 5 euros. O que se recade será destinado a Cáritas para a vindeira campaña de Nadal”, explicou José Carlos Paleo, presidente de Acia/CCA de Foz.
Outras 200 láminas serán doadas á directiva do Museo do Mar, de Foz. Paleo sinala que “o que se recade neste caso irá para financiar os fondos desa instalación, do Museo do Mar”.
O presidente do Centro Comercial Aberto de Foz conta que “cando falamos con Antón Niñe pareceunos interesante elixir o camiño da solidariedade para esta iniciativa, que xurdiu coa idea de recuperar a historial local e a importancia que tivo hai moitos anos o porto de Foz, así como a industria que xirou ao seu arredor, como as conserveiras, as fábricas de madeira ou os asteleiros”.
Antón Niñe dixo que “o mar de Galicia xogou un papel importante no comercio marítimo español, tanto na actividade pesqueira como de cabotaxe. E Foz non foi alleo a esta actividade, de aí que a súa identidade ten fondas raíces marítimas. O tráfico de cabotaxe, desaparecido hoxe do noso porto, é un dos aspectos marítimos nos que a nosa vila destacou no século XX. Entraba aquí un considerable número de buques con mercadorías de todo tipo, saíndo de novo con madeira colocando a Foz como importante exportador da provincia”.
O profesor Niñe subliñou que “os barcos do noso porto foron os embaixadores da nosa vila ao longo do século XX, desde Bidasoa ata o Miño, navegando polas augas do Cantábrico e as do inmenso Atlántico”.
Os barcos que figuran na lámina son: Avelino, Electra del Masma, Espiñeira-Mondoñedo, Adela López, Sofía López, San Lorenzo de Foz, Rosalina, Justina, Recalde ou Marita.
O acto de presentación tivo lugar este mediodía no Cenima en Foz. No mesmo participaron o alcalde focense, Fran Cajoto; o autor da lámina, Antón Niñe; e o presidente de Acia/CCA de Foz, José Carlos Paleo. Asistiron representantes da asociación Museo do Mar e tamén o concelleiro de Mar, Francisco Fanego.
O CCA de Foz financia a edición dunha lámina de Antón Niñe que recolle a historia dos barcos antigos que operaron no porto local durante o século XX. Son 500 exemplares que se porán á venda con fins solidarios
Relacionado
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
