Ribadeo, a 15 de agosto de 2020. A concelleira do Grupo Municipal Popular, Begoña Sanjurjo, participou este venres nunha visita ao campamento xuvenil da Devesa xunto á directora xeral de Xuventude, Participación e Voluntariado da Xunta de Galicia, Cristina Pichel, co obxectivo de comprobar a implantación das medidas de prevención fronte á covid-19 e tamén para inspeccionar as obras de mellora realizadas nas instalacións antes do comezo das quendas de acampada. “As outras obras previstas levaranse a cabo despois do verán”, comentou a popular.
Sanjurjo sinalou que “é moi importante a traxectoria deste campamento no acollemento de actividades xuvenís ligados ás actividades no mar e de aventura. Como non podía ser doutra maneira, constatamos que as actividades de tempo libre sufriron adaptacións en relación ao número de persoas por tenda, no uso do comedor, dos baños e no desenvolvemento das actividades, ademais da organización en xeral”. Aínda así, “é moi importante que a rapazada siga dispoñendo de actividades e, por suposto, sempre atendendo á normativa sanitaria. Segundo trasladaron os monitores, a inmensa maioría dos nenos e nenas están concienciados coas normas, seguen as indicacións e, sobre todo, desfrutan das actividades preparadas ao igual que en anos anteriores”, manifesta.
Begoña Sanjurjo destacou o compromiso da Xunta coas actividades infantís ao adaptalas ás actuais circunstancias para mantelas en funcionamento e contribuír á conciliación das familias. Pola contra, sinalou que “o equipo de goberno local esqueceuse dos nenos e nenas ribadenses e, polo tanto, das familias. En vez de adaptar actividades optou por suspendelas, que é moito máis fácil. En Ribadeo dende marzo non hai ningún tipo de campamento, obradoiro, ou escola deportiva”. Así, engade que “despois dun confinamento longo habería que gastar un tempo en deseñar unha nova programación para a rapazada, pero escudado na normativa sanitaria o equipo de goberno decidiu aforrar os cartos e non buscar alternativas”, lamenta.
Desde o PP ribadense consideran que as actividades para os máis cativos da casa son imprescindibles para eles mesmos; pero tamén para axudar ás súas familias na conciliación. “Un concello como Ribadeo non pode deixar de lado a este sector da poboación”, remarca.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
