A oposición de Viveiro ao completo, asina unha moción conxunta para que o goberno respecte os acordos plenarios

 Viveiro, 2 de setembro, 2020. Por iniciativa da portavoz municipal do BNG de Viveiro, Míriam Bermúdez, todos os grupos da oposición de Viveiro asinaron esta mañá, unha moción conxunta para o impulso do cumprimento das iniciativas dos grupos da oposición aprobadas nos plenos da corporación municipal de Viveiro.

Primeiro. O 15 de xuño de 2019 celebrouse o pleno de constitución da última corporación municipal de Viveiro resultante das eleccións locais que tiveron lugar o 26 de maio de 2019, no cal foi elexida por maioría simple como alcaldesa deste concello, a socialista María Loureiro.

Segundo. O pleno, tal e como se recolle no artigo 122.1 da Lei 7/1985, de 2 de abril, reguladora das Bases do Réxime Local, é o órgano máximo de representación política da veciñanza no goberno municipal.

Terceiro. Desde a data 15 de xuño de 2019 na que deu comezo o mandato 2019-2023, os diferentes grupos políticos da oposición que compoñen a corporación municipal veñen presentando a debate nas sesións plenarias do Concello para a súa aprobación múltiples mocións co obxecto de contribuír a mellorar a prestacións de servizos públicos e a calidade de vida das súas veciñas e veciños, e a pesares que só algunha das moitas iniciativas propostas a través das mocións debatidas foron aprobadas pola corporación municipal, o goberno do PSOE non foi nin é quen de poñer en marcha e/ou executar a maioría destas iniciativas, acabando no caixón do olvido da alcaldía de Viveiro.

Cuarto. A alcaldesa de Viveiro, ten atribuídas entre as súas funcións e obrigas a de ordear a publicación, a execución e a de facer cumprir os acordos do concello, segundo o estabelecido no artigo 21 da Lei 7/1985, de 2 de abril, Reguladora de Bases de Réxime Local e o artigo 41 do Real Decreto 2568/1986, de 28 de noviembre, polo que se aproba o regulamento de Organización, Funcionamento e Réxime Xurídico das entidades locais.

Quinto. A alcaldesa do concello de Viveiro, a pesares da súa obriga legal para facer cumprir os acordos plenarios, està a incumprir co desenvolvemento das iniciativas dos grupos da oposición aprobados en pleno, e polo tanto, està a non tomarse en serio o mandato da maioría das veciñas e veciños de Viveiro que representa o Pleno da corporación municipal.

Por todo o anteriormente exposto, o grupos municipais do BNG, Son Viveiro, Por Viveiro e PP solicitan ao pleno da corporación local a adopción dos seguintes ACORDOS:

1.O Goberno Municipal levará a cabo o cumprimento riguroso da execución dos acordos das mocións presentadas polos grupos da oposición que xa foron, e podan ser no futuro, aprobadas polo pleno da corporación de Viveiro desde o inicio do mandato 2019/2023.

2.O goberno municipal manterá informado mensualmente á corporación municipal sobre o estado de desenvolvemento dos acordos das mocións aprobadas en pleno.