Ribadeo, 2 de setembro de 2020. ACISA Ribadeo lanza unha nova campaña que dará comezo mañá, 3 de setembro, e que está enfocada a atraer aos clientes habituais tanto do municipio como das comarcas da Mariña e do occidente asturiano. Os establecementos participantes ofrecerán importantes descontos e promocións os días 3, 4, 5 e 6 de setembro.
O xerente de ACISA, Jesús Pérez, explicou que “esta nova iniciativa comercial e hostaleira chámase Veciñ@s, estamos list@s, queremos que volvas, e busca atraer de novo aos clientes de sempre. Agora que xa rematou a tempada alta de turismo, Ribadeo volve ter o ambiente habitual e volvemos ser os de sempre. Por iso cremos que é bo momento para dicirlles aos ribadenses e aos veciños da Mariña e do Occidente de Asturias que estamos listos para que volvan, para mercar de cara á volta ao cole, mercar para facer agasallos, mercar para a nova tempada outono-inverno, que os agardamos para tomar un café ou un viño na bar da esquina, nos locais de sempre, ou ben desfrutar dunha comida ou cea en familia e cos amigos”.
Jesús Pérez dixo que “afianzar a confianza do consumidor local é vital para que, nestes próximos meses que van ser duros, os nosos comerciantes e hostaleiros saian adiante. Isto só o conseguiremos cos nosos veciños porque son, sen dúbida, os que sustentan a economía local ao longo e todo o ano”.
O presidente de ACISA, Francisco Iriarte, sinalou que “moitos socios, tanto do comercio como da hostalería, detectaron unha falta de clientela habitual, especialmente no mes de agosto. Todos o achacamos ao mesmo, a que a xente tiña recelo, tiña medo a saír, porque lles parecía que había moita xente de fora. Por iso, e tras consultar cos socios, pareceunos necesario dicirlles aos nosos clientes que seguimos estando aquí e que os queremos e que os necesitamos para seguir adiante. Para demostrárllelo facemos estes catro días de ofertas para eles, para os nosos veciños e veciñas”.
Francisco Iriarte subliñou que “posteriormente, dende o día 7 de setembro e xa sen descontos, seguiremos traballando para afianzar a confianza de veciños e veciñas cos nosos negocios e que volvan porque o comercio de Ribadeo non se concibe sen os seus clientes de sempre, sen os seus veciños, sexa verán ou inverno son a nosa prioridade”.
Nesta campaña participan preto de 50 establecementos comerciais e de hostalería nos que se poderá desfrutar de descontos de ata un 60%, prezos especiais e promocións para a volta ao cole, en informática, 2×1 en moda, prendas con prezos reducidos a 5, 10, 15 e 20 euros, zonas outlet, menús e racións especiais, menús degustación, tapas e moito máis.
Os establecementos comerciais que participan nesta iniciativa de ACISA son: La Moda Sport, Platería Gutie, Sanjurjo, Esprit, La Moda Mujer, La Moda Básico, Óptica Miró, Mika, Ginzo Hombre-Mujer, Phonergy, Julia, Dandara, Bis a Bis, Naná, La Moda Joven, Opticalia, Coco, Jatay, Joyería Azabache, Adele, Glass, La Coqueta, Saia, Bora Bora, Farfala, Boutique Valentina, Boutique Del Río, Anais, Xardineo, Mercería Torviso, Pepa Peineta, Beep Ribadeo, Folder, Susana Moreira, Sendín Electricidad, Pequerrechos, Boutique Pippol´s e Deportes Docobo.
E os hostaleiros son: La Solana, Delicates, Breogán, O Tumbín, La Botellería, Goiás, La Lira, O Cabazo, Javier Montero, Galicia, O Indiano, Mareta, Cayo Coco e Araucaria.
Todas as ofertas pódense consultar no facebook de ACISA e na súa páxina web, www.acisaribadeo.es. E tamén na APP Ribadeo Cerca de Ti.
Gañadores de dúas tablets.
ACISA Ribadeo sorteou hoxe dúas tablets de última xeración entre os usuarios da súa app, que se rexistraron no mes de agosto. Os gañadores foron: Suso Lopez Cabarqués e Marcos Rivas Gil. Os afortunados poderán recoller o premio dende hoxe e ata o venres 11 de setembro, en horario de 10:00 a 14:00 horas, nas oficinas de ACISA, que están situadas na rúa San Roque 57-Baixo.
O xerente de ACISA, Jesús Pérez, indicou que “a app xa ten 500 usuarios e segue cun bo ritmo de descargas. Estamos moi satisfeitos porque a resposta da cidadanía foi moi boa”.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
