Santiago de Compostela, 16 de setembro de 2020. Comisións Obreiras (CCOO) pide medidas para reactivar o sector da cultura, un dos máis prexudicados pola crise económica e tamén polas medidas de contención da pandemia. O sindicato apoia as mobilizacións que diferentes entidades do sector convocan en todo o Estado para mañá xoves, 17 de setembro. En Galicia está previsto que haxa accións de protesta en Santiago de Compostela e Vigo.
A declaración do estado de alarma e logo as medidas para a transición cara a nova normalidade supuxeron a suspensión ou cancelación de espectáculos públicos. Debido á demora na súa reactivación e as numerosas restricións, as persoas profesionais do sector do espectáculo non dispoñerán de ingresos derivados da súa actividade durante un amplo período.
Por esta razón, CCOO xa lle propuxo á Xunta de Galicia, o pasado mes de xullo, unha liña de axudas para as e os profesionais do sector do espectáculo, que xera no noso país un gran volume de postos de traballo, tanto en orquestras como nos empregos técnicos e auxiliares. Non obstante, a proposta sindical aínda non obtivo resposta por parte da Administración autonómica.
As peculiaridades do encadramento de artistas e auxiliares na Seguridade Social, a «picaresca na utilización das diferentes modalidades de contratación» e as múltiples situacións profesionais fan que moitos traballadores e traballadoras non queden cubertos coas medidas extraordinarias de protección social aprobadas polo Goberno central.
Demostrar que a cultura é segura
Segundo a información facilitada pola organización, en Galicia haberá dúas accións reivindicativas principais. Unha en Vigo, a partir das 18:00, entre o Círculo de Empresarios (rúa de García Barbón) e a Porta do Sol. A outra en Santiago de Compostela, ás 19:30, na praza do Obradoiro. O acceso estará restrinxido ás persoas que previamente adquiran o billete gratuíto na web compralaentrada.com e o acto desenvolverase coas máximas medidas de seguridade e hixiene, co obxectivo de demostrar que a cultura é segura. Ao remate, lerase un manifesto coas reivindicacións e medidas de apoio para o sector.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
