Burela, 17 de setembro, 2020. Esta fin de semana estase a completar a penúltima etapa de “Orixe & Destino Galicia”, unha campaña da Organización de Produtores Pesqueiros de Lugo e Paradores que ten lugar durante 10 semanas nos restaurantes da rede de Paradores de Turismo de España ubicados nas diferentes rutas do Camiño de Santiago.
Nesta quinta xornada da súa particular Ruta Xacobea, a Pescada do Pincho de Burela chega ao “fin do mundo” xusto unha semana antes de regresar á súa orixe en Santiago de Compostela.
O Parador Costa da Morte, ubicado na costa de Muxía (A Coruña) xunto á Praia de Lourido e dentro do Camiño de Fisterra, ofrece desde este xoves e ata o domingo unha deliciosa receita de “Pescada do Pincho de Burela, caldo corto, percebe e aire de pementón”.
Construído respectando a topografía da ladeira natural e con espectaculares vistas ao mar, sobre cantís e praias, a media hora deste parador atópase o impresionante Faro do Cabo Fisterra, bautizado polos romanos como “o fin do mundo”, lugar sempre vinculado á navegación e ás lendas.
O Camiño 2020 do “Peixe de Burela” achégase xa ao seu destino en Compostela: será a vindeira semana de novo na Praza do Obradoiro, ao pé da Catedral de Santiago, no Parador Hostal dos Reis Católicos con novas receitas de Pescada de Burela.
E farao tras visitar os fogóns de nove Paradores ubicados en sete comunidades autónomas diferentes: Navarra, Cantabria, Castela e León, Andalucía, Extremadura, Asturias e Galicia.
A campaña combina a gastronomía, a calidade dos produtos pesqueiros da lonxa de Burela, a rede de Paradores e o Camiño Xacobeo. As principais protagonistas son dúas das especies máis importantes da lonxa de Armadores de Burela, que tamén colabora nesta iniciativa: a pescada do pincho e o bonito do norte.
Esta acción promocional baséase na importancia da “Orixe e Destino Galicia”, xa que a pescada e o bonito saen do porto de Burela e volven a Galicia seguindo o Camiño de Santiago a través dos restaurantes de paradores que están ubicados nas diferentes rutas xacobeas: o Camiño Mozárabe, a Vía da Prata, o Camiño de Madrid, o Camiño Norte, o Camiño Francés e o Camiño de Fisterra.
Esta acción enmárcase dentro das accións de promoción de OPP Lugo incluídas no seu Plan de Produción e Comercialización anual e contan coa cofinanciación da Xunta de Galicia e o Fondo Europeo e Marítimo da Pesca.
A pescada do pincho de Burela chega ao “fin do mundo”
Relacionado
-
Lourenzá celebra unha nova tarde de lecer con Xogando á petanca dentro de Verán na Praza
-
Cariño deseña un dispositivo especial de mobilidade e seguridade para vivir o eclipse e habilita un servizo especial de autobuses.
-
Acisa Ribadeo anuncia a renovación da súa xunta directiva con lista única e paritaria
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
