Burela, 22 de setembro de 2020. O vindeiro xoves, 24 de setembro, haberá pleno ordinario telemático no Concello burelés no que se aprobará o nomeamento de Herminia Pernas como cronista oficial de Burela; tamén se someterán a aprobación os festivos locais para o 2021, que serán o 16 de febreiro (Martes de Entroido) e o 7 de xuño (o luns das festas patronais); e a firma dun convenio coa Vicepresidencia da Xunta para a convocatoria e desenvolvemento de procesos selectivos unitarios para o acceso ás diferentes categorías dos corpos da Policía Local.
O alcalde, Alfredo Llano, dixo que “este xoves, día 24, vamos ter un pleno ordinario, que é o que corresponde no mes de setembro. Van tres puntos que considero que son importantes. Un deles é a ratificación, a elección xa definitiva, espero, da nosa cronista oficial, que é Herminia Pernas Oroza. É unha cuestión compartida polos tres grupos que conformamos a Corporación Municipal de Burela, é unha iniciativa coa que estamos de acordo os tres grupos para nomear que esta persoa sexa a cronista de Burela. Por tanto espero que todo vaia moi ben. É unha persoa que xa é coñecida e recoñecida polo seu labor e pola súa vocación de traballar temas de Burela en todos os aspectos que corresponden a patrimonio, a historia, a cultura, …; todo o que sexa interesante para calquera, tanto para os que vivimos aquí como para os que veñan de fóra. Eu penso que é unha persoa que está perfectamente preparada para levar o seu traballo da forma máis axeitada e moi representativa do sentir de todos os veciños de Burela”.
O rexedor contou que “outro punto é a elección dos días festivos para o ano 2021, que van ser o 16 de febreiro (martes de Antroido) e o luns das festas, que é o 7 de xuño. Basicamente son os mesmos de todos os anos e espero que tampouco haxa problema neste aspecto”.
Llano engadiu que “tamén queremos levar para diante outro tema, que é facer un convenio coa Xunta de Galicia, a través da Academia Galega de Seguridade Pública, que teñen na Estrada, para delegar neles os exames, a preparación, as prácticas e a formación do persoal de Policía Local, ademais de optar a axentes auxiliares, se nos fixeran falta. Agora mesmo temos dúas prazas vacantes que vamos convocalas xa a través da Academia Galega de Seguridade Pública, iso espero, para poder dispoñer deses policías a partir de xaneiro. Este é un convenio que para o Concello supón todo vantaxes, dado que non temos que asumir ningunha contía económica; si temos que cumprir uns parámetros, o que loxicamente estamos dispostos a facer, e parécenos que é unha vantaxe clara para poder ter estes profesionais o antes posible para o Concello”.
Este pleno ordinario será telemático. O alcalde agarda que o próximo xa poida ser presencial e anuncia que “serán emitidos en directo para que a cidadanía poida seguilos desde calquera lugar”.
O xoves celebrarase pleno ordinario no concello burelés, no que se aprobará o nomeamento de Herminia Pernas como cronista oficial da localidade
Relacionado
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
