Lugo, a 13 de outubro de 2020. O PP ve na Deputación sinais que teme que anuncien que o goberno provincial quere renunciar aos compromisos adquiridos por Suplusa, sociedade agora en liquidación, en materia de creación de solo industrial na provincia. Á vista desta situación, en palabras do seu portavoz, Javier Castiñeira, “o grupo provincial do PP esixe maior compromiso ao goberno da Deputación para executar o proxecto de solo industrial comprometido con concellos da provincia, porque tememos que o bipartito queira aproveitar a disolución de Suplusa para extinguir moitos convenios para a creación de parques industriais, que están en diferentes fases de tramitación”.
Castiñeira sinala: “A sensación que temos no PP, despois de escoitar no pasado pleno o rexeitamento do goberno provincial a asumir a totalidade das obrigas adquiridas por Suplusa, é que pretende cargarse parte do solo industrial proxectado na provincia de Lugo, e con elo liberar carga orzamentaria comprometida dende hai tempo”. O portavoz provincial do PP recorda “que a cargo de Suplusa hai solo comprado, pendente de planeamentos municipais ou de permisos sectoriais”. Explica: “Hai millóns de euros investidos na compra de parcelas, que deben ser transformadas en parques empresariais; os concellos necesitan que a Deputación prosiga co traballo iniciado por Suplusa”. Considera que “sería unha verdadeira traizón que a Deputación non asumira os compromisos firmados no seu día por Suplusa”.
O portavoz popular tamén declara: “Somos conscientes de que o proceso de eliminación da sociedade urbanística provincial que promoveu o bipartito non vai ser sinxelo, e por elo quixemos participar na comisión liquidadora, pero apreciamos desde o principio que ao goberno interésalle ben pouco cumprir co pactado”. Aclara: “Así sucede cos traballadores, cos que aínda non resolveu a súa situación laboral, e así o vemos na falta de compromiso tanto para levar adiante as residencias para maiores que están pactadas e co solo industrial, que nos preocupa moitísimo”.
Castiñeira avisa “ao goberno de que non imos aceptar medias tintas neste proceso; a Deputación debe asumir a totalidade dos compromisos de Suplusa e se non é así terá enfronte ao Partido Popular”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
