Nota de Prensa
SI O ALCALDE QUERE CONTER O GASTO PUBLICO QUE EMPECE POR REVISAR AS RETRIBUCIONS DO GRUPO DE GOBERNO.
Cervo e o único concello da Mariña onde todo o goberno cobra dedicacións exclusivas e parciais que suman mais de 120.000 euros ao ano.
O aforro das tres dedicacións parciais suporía o financiamento case na totalidade do Punto de Atención Infantil.
O BNG reclama ao goberno municipal moderación no gasto publico, especialmente naqueles gastos que non supoñen merma nos servizos que o concello ofrece aos cidadáns como poda ser a dedicación do alcalde e concelleiros do grupo de goberno. Neste sentido hai que lembrar que o concello de Cervo e o que mais retribucións paga aos concelleiros e concelleiras do goberno, con dúas dedicacións exclusivas e tres parciais das que se exclúe o Tte. Alcalde, Jose Manuel Balseiro, por incompatibilidade co seu soldo de parlamentario.
A dedicación exclusiva do Alcalde supón un gasto anual de 42.000 euros brutos e 13.923 euros de seguridade social a cargo do concello, o Delegado de medio ambiente, Antonio Basanta, supón 26.000 euros brutos e 8.618,99 de seguridade social polo que as dúas dedicacións exclusivas supoñen un gasto para as arcas municipais de 90.541 euros ano.
O BNG xa reclamou moderación no pleno do 6 de xullo de 2007 cando o PP aprobou en solitario as retribucións do grupo de goberno, especialmente no que se refire as dedicacións parciais, e volvémolo facer agora xa que o gasto total para estas dedicacións suma 28.224 euros ano distribuídas en 15.848 euros brutos para a Delegada de Asuntos Sociais, Pilar Armada, e 6.188 respectivamente para a Delegada de Cultura e Xuventude, Consolación Gallego e Sanidade e Patrimonio Cultural, Yolanda Pedreira.
Para o BNG non se xustifica nun concello de 4800 habitantes o gasto das 3 dedicacións parciais cando xa hai dúas exclusivas.
Entendemos que un concello co numero de habitantes Cervo non pode permitirse o luxo de pagar estas tres dedicacións, especialmente cando o Alcalde fala de contención do gasto e a posíbel merma de servizos que podan afectar aos veciños. Podemos aceptar a necesidade de dúas dedicacións exclusivas para o traballo diario no concello, mais non tres parciais por tres horas de traballo ao día para Pilar Armada e 1 respectivamente para Consolación Gallego e Yolanda Pedreira; 5 horas diarias por 2.016 euros mes no computo total, teléfonos móbiles e dietas de desprazamento serian a envexa de calquera traballador asalariado, cando ademais esas horas non están sometidas a ningún tipo de control da oposición xa que non se presentan xustificacións da súa dedicación ao pleno da corporación nin no rexistro de entrada do concello e tampouco se fixa un horario de atencion aos cidadáns como pediu o BNG en distintas ocasións.
O aforro das tres dedicacións parciais serviría para financiar totalmente o servizo do Punto de Atención Infantil.
O aforro que se produciría coa eliminación destas tres dedicacións parciais que consideramos innecesarias para un concello como o de Cervo, de en torno a 4.800 habitantes, financiaría a practica totalidade dos gastos que representa ter aberto o P.A.I. de San Cibrao cuantificado en 54.379 euros ano, xa que a cifra de gastos dedicada a estas retribucións mais ás aportacións da Vicepresidencia da Xunta completarían case totalmente os gastos previstos no informe dos servizos de intervención municipal para este centro.
O BNG segue reclamando ao goberno municipal a integración do concello no Consorcio de Igualdade e Benestar como medio para compartir gastos e responsabilidades na mellora da asistencia social no concello, mais se o PP quere continuar en solitario ten que asumir as consecuencias e non facerlle pagar aos veciños as cargas das súas decisións políticas.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
