Viveiro, 13 de outubro, 2020. No pleno de decembro do 2019, solicitábamos ao Goberno Municipal estudar a viabilidade dun proxecto de rehabilitación e acondicionamento do edificio Calvo Sotelo, situado na rúa Irmáns Vilar Ponte, para darlle uso como Centro de Día dirixido a persoas con Alzheimer e/ou outras demencias, así como a súa cesión a AFA.
A Asociación de Familiares de enfermos de Alzheimer e outras demencias (AFA), é unha entidade prestadora de servizos sen ánimo de lucro, declarada de interese público con fins sociais e de interese xeral para o municipio, polo que cumpriría os requisitos estabelecidos para a tramitación da cesión da antiga casa de Calvo Sotelo. Esta edificación xa contou no seu día con fondos da Deputación de Lugo (150.000€) que permitiron rehabilitar toda a súa fachada e teito deixando o interior diáfono.
Míriam Bermúdez afirma que “desde o BNG congratulámonos de que esta proposta se poda materializar e agardamos que na sesión plenaria na que se debata, acade a unanimidade de toda a corporación.
Por outra banda, @s nacionalistas alegrámonos de poder contribuír, tanto coa nosa proposta como co noso voto favorábel a darlle solución a un problema de espazo que levaba tempo demandando a Asociación de Familiares de persoas con Alzheimer, se ben este é a punta do iceberg dun problema que a pandemia non fixo máis que poñer en evidencia a demoledora política de recortes e privatizacións do PP da Xunta, co sr. Feijóo à cabeza, en materia de prestación de servizos sociosanitarios, o que fixo que a responsabilidade e todo o peso do coidado d@s nos@s enferm@s este a recae íntegramente nos seus familiares no canto de recaer nas administracións públicas que son as que deberían prestar estes servizos de atención sociosanitaria, posto que é a responsabilidade e o fin último destas velar pola saúde e benestar das persoas e non facer negocio coa saúde e os nosos maiores.
Desde o BNG non nos cansaremos de seguir demandándolle á Xunta de Galiza e ao sr. Feijóo o fortalecemento de servizos públicos e o fin da súa política de recortes na sanidade pública e das privatizacións no coidado dos maiores e de persoas con necesidades especiais, e non nos cansaremos en reclamarlles unha xestión pública digna de servizos como residencias, centros de días e atención domiciliaria para @s nos@s maiores, así como avanzar na rede pública de centros especializados de alzheimer postos en marcha no 2008 desde a Vicepresidencia da Xunta, con Quintana.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
