Cerceda, a 21 de outubro de 2020.- No marco da colaboración materializada no seu momento entre o Concello de Burela e Sogama para a implantación e posterior ampliación dun programa de compostaxe doméstica, o ente local solicitou de novo o apoio da empresa pública para estender esta iniciativa a 30 novos fogares e facer posible que estes se beneficien das súas bondades.
As vivendas deben ser unifamiliares e contar con terreo (horta ou xardín) no que poder aplicar o compost obtido, pechando así o ciclo de recuperación da materia orgánica in situ e evitando o seu depósito no contedor verde convencional, contribuíndo ao mesmo tempo ao aforro de custos. Para isto contarán con igual número de composteiros, de 390 litros de capacidade e fabricados con materiais reciclados e reciclables, posibilitando que o proceso se leve a cabo dunha forma máis cómoda e hixiénica.
A fin de explicar os pormenores desta iniciativa, os burelenses interesados recibirán un curso de formación presencial, impartido por un técnico de Sogama.
Con esta nova partida de composteiros, xa suman 184 os recipientes subministrados por Sogama a Burela.
De forma complementaria, os cidadáns teñen á súa disposición un sitio web específico www.compostaconsogama.gal, no que atoparán toda a información sobre a autocompostaxe, así como recursos didácticos e divulgativos que lles permitirán comprender mellor e interiorizar a operativa a seguir para obter un compost de calidade que cumpra con todos os requisitos esixidos pola normativa vixente e, desta forma, poidan aplicalo ao solo con garantías.
A día de hoxe, un total de 353 entidades atópanse adheridas ao programa de compostaxe doméstica de Sogama, tendo repartido entre as mesmas máis de 14.300 composteiros.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
