Lugo, 21 de outubro de 2020. O Presidente da Deputación de Lugo, José Tomé Roca, participou este mércores de maneira telemática na inauguración do V Fórum Ries20 Silver Economy: alimentación e calidade de vida, que organiza o Clúster Saúde de Galicia e co que colabora a institución provincial. Na inauguración tamén estivo presente por videoconferencia o Conselleiro de Sanidade, Julio García Comesaña, a presidenta do clúster, Rocío Mosquera, e o presidente do Comité Ries20, Juan Vieites.
Na súa intervención, Tomé Roca subliñou que o novo escenario xurdido coa crise sanitaria da Covid-19 puxo sobre a mesa a importancia dos “produtos e do comercio de proximidade. Vemos como o mundo rural presenta unha mellor resistencia a esta enfermidade que o mundo urbano”, explicou. O mandatario provincial subliñou que unha dieta equilibrada se revela como un dos factores de defensa da saúde e, por iso, cómpre apostar por alimentos da calidade como os que se atopan na provincia de Lugo.
“O impacto da pandemia puxo de manifesto a importancia de manter un sector primario capaz de abastecer o territorio en caso de colapso das comunicacións, e tamén nos fixo reflexionar sobre se ten sentido importar produtos dende catro ou cinco mil quilómetros que poderíamos producir e transformar aquí”, incidiu Tomé.
Neste sentido, o Presidente recalcou a necesidade de “impulsar plans que favorezan a segunda e a terceira transformación dos produtos, que favorezan o desenvolvemento de procesos que dan valor engadido”, pois “non queremos ser só subministradores das mellores materias primas, queremos poder transformalas, que o valor engadido se quede aquí, e recibir o beneficio social e económicos deses produtos elaborados”.
Apostar polo sector primario, engadiu, “ten un efecto beneficioso na saúde do individuo, pero tamén no corpo social no seu conxunto”, xa que supón “aproveitar os nosos grandes e variados recursos para crear emprego e riqueza, e para fixar poboación, pero tamén favorece a sostibilidade ambiental, a ecoloxía e a saúde”.
O Presidente puxo o foco no compromiso da Deputación de Lugo por manter, potenciar, renovar e innovar a tradición e a capacidade de produción do sector primario da provincia. Explicou Tomé Roca que proba diso é a estreita colaboración co Campus Terra para desenvolver proxectos para mellorar a cría de gando a ou o produción láctea na Granxa Gayoso Castro. Tamén un bo exemplo é o programa Prende! Bota raíces no rural para axudar á xente moza a que atope futuro profesional no lugar no que vive e dinamizar así a economía lucense.
Selección de produtos
A Deputación de Lugo colabora con este foro proporcionando unha cesta de produtos da provincia para os participantes, co obxectivo de realizar unha cata virtual na que se degusten uns exemplos do bo facer dos produtores da provincia.
Cada cesta inclúe unha cuña de queixo da Nabiza Eco de Arqueixal, xamón reserva de Porco Celta, marmelada extra de arándanos Caurelor, lombos de Bonito do Norte de Conservas Faro de Burela, calamares na súa tinta de Currimar, porción de lombo de Embutidos Suarna, galletas artesás Mariñeiras Daveiga, mel de autor de Manuel Sande, e viño da denominación de orixe Ribeira Sacra.
Forum Ries20
O Fórum RIES20 é un foro internacional de referencia a nivel autonómico e nacional que aborda os retos e oportunidades do ecosistema da saúde. Está organizado polo Clúster Saúde de Galicia e concentra aos principais axentes do sector sanitario e sociosanitario do ámbito público e privado a nivel europeo.
Celébrase este xoves, o día 28 de outubro e o 4 de novembro. Están previstas 40 conferencias e inclúe catas virtuais de produtos de Galicia.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
