Lugo, a 27 de outubro de 2020. O voceiro do Grupo Provincial do PP, Javier Castiñeira, lamenta que “mentres o PP defende que o Goberno axilice as autovías proxectadas na provincia, o goberno provincial mire para outro lado”. Así o manifestou o popular amosando a súa sorpresa e preocupación ante a actitude do PSOE nun dos puntos que consideran máis importantes do pleno provincial deste martes porque “o PSOE rexeitou incluír a emenda do Grupo Popular coa que melloraba a proposta do Goberno para dar un pulo á A-56 Lugo-Ourense; xa que propoñiamos avanzar tamén nas outras dúas autovías proxectadas na provincia, a A-74 (Barreiros-San Cibrao) e a A-54 Lugo-Santiago) para “dar seguridade a toda a provincia”.
Os populares lamentan que “a voceira socialista convencese ao BNG durante un receso de 2 minutos para abordar entre tódolos grupos a forma da proposta de que non aceptase a proposta do Grupo Popular. Isto preocúpanos en gran medida pola falta de personalidade do BNG neste Goberno provincial e pola falta de compromiso da Deputación de Lugo que deixan fóra da proposición á autovía A-54 e A-74”. Con todo, o PP votou a favor da proposta ao estar de acordo coa avance da autovía entre Lugo e Ourense.
Dúbidas sobre o compromiso do Goberno coas autovías da provincia
A proposta do Goberno provincial apórtanos moitas máis dúbidas sobre o compromiso do Goberno coas autovías da provincia de Lugo. Castiñeira sinalaba, por unha banda, que o Goberno central leva dous anos sen orzamentos e, polo tanto, sen asignar ningunha partida para estas obras e unicamente executando o que deixou feito o Partido Popular. Así mesmo, engadía que o ministro de Fomento avanzaba unha lei de mobilidade sostible onde plantexaba dar prioridade ás inversións produtivas que suporían unha discriminación para a nosa provincia de carácter principalmente rural. Ademais, o popular recordou que “en abril os senadores do PP solicitaron información sobre os estado das autovías, pero o Goberno non aportou datas nin compromisos”.
“O feito de que o goberno provincial -coa complicidade do BNG- traia esta moción sobre a A-56 na época de elaboración dos Orzamentos do Estado pódese malentender. Igual o señor Ábalos lles deu aos señores do PSOE un bombón envelenado traendo só a A-56, pero esquecéndose da A-54 e A-74”.
Castiñeira asegurou que “o Partido Popular defendeu sempre, antes, despois e hoxe as tres autovías. Incluso o Goberno galego lle pediu ao ministro dar un pulo a todas as estradas de Galicia incluíndo, por suposto, a A-56, a A-54 e a A-74 que é moi importante para a fábrica de aluminio de San Cibrao”. Por iso sinalou que “negarse a apoiar o seu avance é facer moi pouco na súa defensa” a pesar de que “o señor Castro traia unha máscara en apoio” á planta mariñá. “Iso está ben; pero facer política é levar propostas ao DOG e ao BOE que é onde o PP o fixo sempre”.
A proposta dos populares era “máis ambiciosa” que a do Goberno da Deputación. O Grupo Popular pedía ao Executivo central partidas para “as autovías da provincia nos Orzamentos do Estado que parece que xa ten arranxado o PSOE con Podemos”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
