O viveirés Cristóbal Rodríguez, subcampión da liga Estatal de prata

 Viveiro, 5 de outubro, 2020. O atleta internacional viveirés, dobre Campión do mundo de Triathle e Lasser Run, Cristobal Rodríguez, realizou unha sensacional actuación a pasada fin de semana co seu equipo Centolos-A Banca de A Coruña.

Rodríguez, un tirador habitual de esgrima coa espada e titular nesa arma, estaba agora como titular na final de florete na liga de prata, nesta última fase celebrada a porta pechada e sen audiencia en Madrid por restricións COVID. O tirador viveirés foi clave para pechar unha magnífica actuación que deu ao club herculino a vitoria final e a clasificación directa á equipa para o Campionato de España de florete, proclamándose subcampión de Liga. A falta das clasificacións finais, é máis que probable que a equipa coruñesa ascenda á división de ouro. O cuarteto estivo formado por Cristóbal Rodríguez, Germán Ferreiro, Joaquín Vilas e o experimentado adestrador Yann Breteau. Os herculinos gañaron nos combates a Pozuelo, Navarra, Valencia e na final ao Barajas a falta dun segundo por un axustado 43-42.

Cristobal Rodríguez amosouse satisfeito co resultado, sobre todo tendo en conta que era a primeira vez que competía con esta arma (foil) nunha competición de tanta importancia.