Viveiro, 6 de outubro, 2020. Hai sete meses que se aprobou por unanimidade a moción do BNG para mellorar a situación actual de Covas en canto ao tráfico, mais o kaos segue reinando na travesía.
Entre as medidas que se aprobaron está a de pintar aparcadoiros en espiga na travesía de Covas (para aparcar marcha atráis e saír cara diante), a AXI (Axencia Galega de Infraestrutas) xa trasladou un proxecto e a intención de iniciar esta medida canto antes, mais o goberno local decidiu frealo, xa que “supostamente” quedarían menos prazas, iso claro, se se toman como referencia as actuais que non cumpren as medidas e coas que a maioría de veciñxs acaban coa porta deteriorada por non mencionar os múltiples accidentes por falta de visibilidade oa saír dos aparcamentos.
Precisamente para ampliar as prazas de aparcamento, nesta moción, aprobouse un mecanismo de cesión temporal de terreos privados ao voncello, a cambio da exención de impostos para a súa utilización pública e baixo unhas condicións específicas. Esta é unha fórmula legal que empregan con éxito concellos de todo o estado español e mesmo da nosa contorna, como por exemplo o concello de Ribadeo, cuxo goberno municipal soubo dar unha resposta rápida en máis dunha ocasión á falta de espazo público a través do contrato de comodato, habilitando aparcadoiros en diferentes zonas do seu casco urbano demandados polxs ribadenses.
Sexa por unha cousa ou por outra, o certo é que este goberno municipal de Viveiro leva anos sen aportar solución algunha a esta problemática e sen mover ficha para que Covas poda contar con espazos públicos e de balde para o estacionamento de vehículos.
A señora alcaldesa vai tarde, polo que non debera esperar máis e conquerir no menor tempo posíbel un acordo cos donxs dos solares libres en Covas e acondicionalos como zonas de estacionamento público. Con esta medida estaríase contribuíndo a dinamizar o comercio e hostalería da parroquia, rebaixando a presenza do elevado volume de vehículos que cada día está a soportar a travesía de Covas e, por conseguinte, contribuíndo a incrementar a seguranza viaria dxs usuarixs e das súas veciñas e veciños.
Agardamos e desexamos que o goberno de María Loureiro recapacite sobre as súas obrigas e responsabilidades e se poña as pilas para facer realidade os acordos da moción do BNG que foi aprobada pola maioría da corporación e na que se lle instaba a traballar para, entre outros, poñer a disposición da veciñanza de Covas uns aparcadoiros públicos tan demandados como necesarios.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
