Viveiro 13 de novembro de 2020. O deputado do Grupo Popular José Manuel Balseiro destacou hoxe que o Plan de conservación do Souto da Retorta “toma músculo” ao contar cun investimento programado de case 103.000 euros para impulsar ao longo dos próximos catro anos as distintas actuacións de conservación e protección previstas pola Xunta de Galicia.
Así o destacou o deputado tras interesarse polo contido e alcance do Plan de Conservación deste monumento natural a través dunha pregunta formulada está mañá no seo da Comisión de Medio Ambiente do Parlamento de Galicia.
A resposta correspondeu á Directora Xeral de Patrimonio Natural, Belén do Campo, que confirmou que esta ferramenta sirve para identificar os valores que hai que protexer neste espazo e os posibles riscos que poidan afectalos, así como as normas de uso e aproveitamento do solo e dos recursos naturais, e as relativas ao uso público e ás actividades científicas e educativas.
Máis promoción, mellor sinalización
Como principais novidades, na resposta, a Xunta confirmou varios aspectos de interese de cara á promoción e conservación do eucaliptal como é o caso da instalación dunha pequena infraestrutura tipo balcón ou miradoiro desde onde poder apreciar con maior claridade as dimensións dos eucaliptais monumentais.
Tamén confirmou que se están avaliando os terreos privados existentes neste espazo para súa posible adquisición e posterior creación dun aparcamento público e que se instalarán novos carteis de información xeral nas entradas do espazo natural, así como tamén para identificar as especies botánicas máis características ou os sendeiros existentes, que verán mellorado os seus firmes.
As medidas de conservación e xestión terán unha vixencia indefinida, sen prexuízo da posible actualización conforme ao estado da ciencia e da técnica, e sen prexuízo da aplicación das medidas de seguimento que correspondan.
O plan busca acadar os seguintes obxectivos:
1• Conservar os exemplares monumentais de eucalipto que motivaron a declaración do espazo como monumento natural.
2 • Conservar a vexetación autóctona e os hábitats naturais e flora e fauna asociados, e favorecer a súa recuperación.
3 • Preservar a paisaxe e a conectividade ecolóxica no ámbito do monumento natural, así como favorecer a súa mellora e recuperación.
4 • Ordenar o uso público do espazo de forma compatible coa conservación dos valores do monumento natural, co obxectivo de acadar unha visita de calidade que sexa un recurso que contribúa ao desenvolvemento socioeconómico da contorna.
5 • Mellorar o coñecemento científico e técnico sobre o monumento natural, así como os riscos e ameazas para a súa conservación.
6 • Fomentar a sensibilización e implicación social na conservación do monumento natural.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
