Ribadeo, 19 de novembro de 2020. O Concello de Ribadeo conmemora o día internacional contra a violencia cara ás mulleres con folletos, pancartas, máscaras e cuñas de radio. A campaña foi presentada hoxe, xoves, pola concelleira de Igualdade, Mari Luz Álvarez Lastra, e outras representantes da Mesa Institucional de Violencia de Xénero de Ribadeo.
“Este 25 de novembro, día internacional contra a violencia cara ás mulleres, aparece solapado polos problemas acuciantes que desde principios de ano padecemos. A pandemia da covid-19 non debe levarnos a esquecer ou a abandonar o resto das problemáticas sociais que existían e seguen pervivindo na actualidade. No sector da saúde a prioridade está a ser a covid. O sistema está colapsado, non sendo capaz de absorber máis cousas e as mulleres que viñan a contarlle á médica de cabeceira a súa problemática non o están a facer. Por teléfono é diferente e pode coartar a que se sinceren. Estamos ante un momento no que hai unha parálise na captación das mulleres que padecen algún tipo de violencia machista. Só se está atendendo o máis visible e vixente do visible”, explicou a edil de Igualdade.
Ademais lembrou que “o ano pasado por estas fechas demandábamos que a violencia machista fose considerada como cuestión de primeira orde na axenda política. Este 25 de novembro queremos visibilizar a todas as violencias machistas e a todas as vítimas. Temos que manter a loita pola igualdade e contra a violencia ás mulleres polo feito de ser mulleres. Hai que espertar as conciencias da cidadanía. Por outra parte, a covid-19, como están a reflectir numerosos estudos, está a provocar un maior impacto nas mulleres:
-A carga dos coidados recaeu a maioría sobre elas, non artellándose ningunha política ou medidas de cara a facilitar a conciliación da vida persoal e laboral en tempos de COVID.
-Aumento da vulnerabilidade social.
-Precariedade económica: a crise económica cebouse nos sectores que empregan a máis mulleres, polo que a porcentaxe delas que perderá o seu emprego será moito maior que a dos homes; ademais de producirse un aumento da tensión e o risco de violencia de xénero debido ao confinamento”.
Ademais Mari Luz Álvarez anunciou que “este ano non sairemos a rúa pero queremos que aproveitar o día para amosar que a violencia contra as mulleres segue a existir e que está presente todos os días nas nosas vidas; e as mulleres que están a padecer calquera tipo de violencia poden pedir axuda para rematar coa mesma. Este ano decidimos elaborar un folleto, que se enviará a todos os fogares do concello de Ribadeo, onde se contemplan os recursos existentes aos cales dirixirse e aproveitase para lembrar e facer un repaso polos diferentes tipos de violencia. O folleto reproducirase en tamaño lona que se colgará no Teatro. Tamén houbo un concurso de deseño de máscaras nos centros de secundaria e no CIFP Porta da Auga. Así os deseños que foron considerados mellores poderán visualizarse no MUPI do Concello e nas redes sociais. E desde este venres até o 25 de novembro emitiranse na radio unhas cuñas elaboradas en colaboración co alumnado da asignatura de coeducación de 1º de bacharelato do IES de Ribadeo. E penduraremos no balcón da casa consistorial a pancarta da campaña Ribadeo en negro, da que seguimos a participar este ano mediante a campaña virtual”.
O lema da campaña deste 25N é Que a violencia machista non che tape a boca. Alza a túa voz.
No acto interviñeron tamén Dolores García e Teresa González, que falaron do traballo que desenvolven as/os profesionais dos centros de saúde e de ensino para loitar contra a violencia machista.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
