Lugo, 22 de novembro de 2020. O Grupo Socialista na Deputación de Lugo esixirá o vindeiro martes, a través dunha moción no Pleno da Corporación, o fin do uso partidista da TVG por parte do PP. Os socialistas demandan que o ente abandone as políticas de manipulación, sesgo informativo e enfoque partidista que incumpren os obxectivos legais co que foi fundada a TVG.
O PSdeG tamén reclama, a través desta proposta, o cese do actual director da CRTVG e a elección no Parlamento autonómico dun profesional de consenso, e que se recupere o diálogo cos traballadores e traballadoras e solucións para as queixas e denuncias que veñen formulando ante os obstáculos ideolóxicos que atopan para desenvolver o seu traballo.
Así as cousas, advirten que “case dende o primeiro momento, a televisión pública converteuse, en mans do PP, nun exemplo do que non pode, nin debe ser nunca un medio público: unha cadea marcada pola información partidista e manipulada, que agocha a pluralidade política da sociedade galega e silencia ou distorsiona calquera opinión crítica ou non coincidente cas directrices políticas dos gobernos populares”.
Lembran ademais que a situación actual de manipulación ten sido denunciada sistematicamente polas forzas da oposición, que reclaman que a cadea cumpra cos obxectivos de servicio público que quedan recollidos na Lei de Creación de 1984, que inclúe dun xeito expreso no artigo 16: “O respecto á liberdade de expresión, obxectividade, veracidade e imparcialidade das informacións”, así como a separación entre información e opinión e o respecto ó pluralismo político.
Cumpre recuperar a TVG como ferramenta de servizo público
Sinalan que tamén se sumaron as estas denuncias “os propios colexios de xornalistas, sindicatos e profesionais da canle pública, que veñen formulando queixas e reclamacións, con denuncias de inxerencias e directrices políticas, dun xeito especialmente significativo no eido dos informativos. Hai máis de dous anos que os traballadores e traballadoras comezaron a protagonizar accións de protesta, tanto nos “venres negros” como a través da plataforma Defende a Galega, convertida nun referente na loita pola imparcialidade e independencia dos medios públicos e que foi galardoada co Premio José Couso o ano 2019”.
Os socialistas argumentan que “os sucesivos gobernos do PP veñen facendo caso omiso a estas denuncias e, lonxe de poñer remedio á situación, acentuárona dende a aparición do coronavirus, momento no que a canle pública se converteu no altofalante exclusivo de Feijóo, evitando á oposición no Parlamento ó tempo que lle negaba a presenza nos informativos públicos”.
Por último, sinalan que “a actual situación de crise sociosanitaria e económica, con restricións na actividade normal, fai que a cidadanía precise máis ca nunca de información plural e veraz, non sesgada en función dos intereses dun goberno. Cumpre recuperar a TVG como ferramenta de servizo público”.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
