Burela, 28 de novembro, 2020. O Pescados Rubén Burela FS regresa cos tres puntos de Majadahonda (3-4), aferrándose á eficacia de dous minutos da segunda parte, nun partido no que quizais faltou un pouco de intensidade laranxa. A pesar da meteórica vantaxe das Guerreiras, o conxunto local soubo dar a volta ao marcador para recibir o tempo do descanso con vantaxe 2-1. As galegas conseguiron achegarse ao botín con tres dianas entre o 27 e o 29, sen tranquilidade por unha nova aproximación madrileña no 36.
Como a semana pasada, o ciclón burelista arrincou vendo portería no primeiro minuto. A iniciativa irmandiña chegou aos 48 segundos de xogo, nun roubo que culminou Lara Balseiro ao segundo pau tras un grande entendemento entre Peque e Cris. Con todo o Pescados Rubén non soubo aproveitar esa vantaxe e sufriu máis do que se esperaba. Avisou en contragolpe o Rayo na medianía do primeiro acto con moito perigo e rendibilizou desde saque de esquina no 12 para poñer o empate, con Moni. Tras unha serie de tiras e afrouxa na pista laranxa e como avisara Peque na previa, Majadahonda cazou un balón morto próximo á área mariñá para subir o segundo con Marta (minuto 16) e chegar ao descanso mandando.
A imaxe e fluidez laranxas melloraron na segunda parte. Por fin chegou o empate no 27, co brillo de Cristina a pase de Lara Balseiro. E en menos de dous minutos recuperaron a vantaxe no marcador as galegas, co segundo da tarde para a viveirense Lara desde banda e tocando nunha defensa local, e ampliando con Cami de rexeite tamén desde banda. Lara, desde saque de esquina, Cilene nun mísil e Leti, pegada ao pau, fixeron méritos para o quinto para máis tranquilidade. Con todo, no 36, Majadahonda recortou con Tosti en estratexia. Peque e Dany dispuxeron das máis incisivas para ampliar distancias, aínda que o electrónico recibiu o son da bucina co definitivo 3-4.
Ficha técnica
Rayo Majadahonda AFAR4: Tresguerres, Carmen, Vero, Moi, Coral, cinco inicial; tamén xogaron Pitu, Cels, Chili, Pitxi, Marta, Tosti
Pescados Rubén Burela FS: Jozi, Cristina, Peque, Cami, Lara Balseiro, cinco inicial; tamén xogaron Ale de Paz, M. Cortés, Cilene, Dany, Bea Mateos, Elena Aragón
Goles: 0-1, minuto 1, Lara Balseiro; 1-1, minuto 12, Mónica Vergara; 2-1, minuto 16, Marta; 2-2, minuto 27, Cristina; 2-3, minuto 28, Lara Balseiro ( p. p. Moni); 2-4, minuto 29, Cami; 3-4, minuto 36, Tosti
Árbitros: Del Olmo Martínez // Arance García. Por Majadahonda amarela a Pitu (minuto 33 e 34). Por Burela amarela a Cristina (minuto 12), Jozi (minuto 38), Peque (minuto 38)
Incidencias: Partido correspondente á xornada 7 de Primeira División Feminina disputado en La Granadilla de Majadahonda
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
