CERVO .- O Concello de Cervo abriu ao público a pista de pádel municipal situada na área de lecer do polígono industrial e de servizos de Cuíña. Esta nova instalación deportiva de uso publico cunha tarifa de 3,30 euros a hora para todos os interesados en utilizala, sendo o seu período máximo de reserva de hora e media.
Nota de Prensa
HOXE ENTRA EN FUNCIONAMENTO A NOVA PISTA DE PÁDEL UBICADA NA ÁREA DE LECER DE CUÍÑA
* Cervo amplía a súa oferta para a práctica do deporte e convértese no municipio co maior número de instalacións deportivas de uso público da comarca
Cervo, 20 Maio de 2010.- Hoxe pola tarde abriuse ao público a pista de pádel municipal situada na área de lecer do polígono industrial e de servizos de Cuíña. Esta posta en marcha estivo presidida polo alcalde do Concello de Cervo, Alfonso Villares, e polo concelleiro de Deportes, Rubén Fernández.
Segundo indicou o responsable da área de Deportes, a intención do Concello é abrir inicialmente esta nova instalación deportiva de uso publico cunha tarifa de 3,30 euros a hora para todos os interesados en utilizala, sendo o seu período máximo de reserva de hora e media e sen destinguir neste arranque do seu funcionamento entre censados e non censados no concello. “Unha vez que se modifique a ordenanza municipal que rexe os prezos e a utilización das instalacións deportivas municipais para englobar nela esta nova pista, será cando esta instalación teña as mesmas condicións de uso cas restantes instalacións deportivas do concello” indicou Rubén Fernández.
A pista de pádel estará xestionada dende a piscina municipal, onde se cobrará e se farán as reservas. No momento de formalizar a reserva, os usuarios deberán deixar o seu carné de identidade cando vaian a retirar a chave da instalación e seralles devolto cando fagan entrega das chaves na piscina municipal.
Ao ser xestionada dende a piscina, esta nova instalación deportiva terá tamén os mesmos horarios que esta. Deste xeito, permanecerá pechada os domingos, festivos, ou como é o caso, mañá, día no que se celebra a festividade de Santa Rita, patroa dos traballadores públicos. Por iso, o calendario de reservas para utilizar a pista comezará a partires do vindeiro sábado.
O maior número de instalacións deportivas da comarca
O alcalde salientou a posta en marcha desta nova instalación deportiva e lembrou que Cervo é un concello privilexiado no que a instalacións deportivas se refire. “O noso municipio é un dos poucos concellos do noso tamaño, con menos de 5.000 habitantes, que teñen a disposición dos seus cidadáns unha piscina olímpica climatizada, outra piscina ao aire libre, un pavillón de deportes, pistas de tenis e de squash, un campo de fútbol, pistas de atletismo e agora tamén unha pista de pádel” lembrou.
Pola súa parte, o concelleiro de Deportes convidou a tódolos veciños e veciñas do municipio a que fagan uso desta nova instalación deportiva, “a cal, creemos que terá unha boa acollida, porque como dixen antes ven a cumprimentar a ampla oferta existente en materia de instalacións deportivas” indicou.
Esta nova pista de pádel forma parte das dotacións deportivas, equipamento social e viais do parque empresarial de Cuíña, recentemente entregadas pola delegada territorial, Raquel Arias, en representación da Xunta de Galicia. Estas obras foron feitas pola empresa Xestur e o custe das actuacións ascendeu 200.000 euros, onde se incluíron, ademais da construción da pista de pádel e da urbanización do seu entorno, unha zona de aparcamentos e un sendeiro peonil.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
