LUGO .- A delegada territorial da Xunta, Raquel Arias, desmentiu “rotundamente que se vaia pechar ningún comedor escolar na provincia”, manifestando ao mesmo tempo a súa sorpresa polas declaracións realizadas por algúns sindicatos en torno a este asunto, que considera “malintencionadas”.
Arias declarou que as afirmacións sobre o presunto peche de comedores foron realizadas “a sabendas de que o que afirman é falso”, posto que en ningún caso se contemplou esta posibilidade e o único proxecto existente sobre reordenación de persoal responde á iniciativa aprobada no ano 2007 polo goberno bipartito “coa aquiescencia deses mesmos sindicatos”.
A delegada indica que a Consellería de Educación en ningún caso pechará ningún comedor. “Prevé unha xestión indirecta dos comedores de tres colexios da provincia, en Ourol, Ribeira de Piquín e Cervantes, o que non significará mingua na calidade do servizo”, explicou.
En canto ás especulacións sobre o futuro doutros comedores escolares, Raquel Arias insiste en que están foran de lugar e non teñen razón de ser “como non sexa desviar a atención dos serios problemas que agora mesmo teñen que afrontar as familias con un tema que non constitúe un problema, porque a permanencia dos comedores e a calidade do servizo que se presta aos nenos e nenas está garantida”.
Lembra a delegada que os sindicatos CC.OO e CIG prestaron o seu apoio á normativa que recolle a reordenación de persoal pola que, segundo erroneamente deducen agora, van desaparecer os comedores. O axuste do persoal de cociña responderá ás ratios establecidas no Decreto do 6 de febreiro de 2007 e na Orde que o desenvolve, de data 21 de febreiro do mesmo ano.
Segundo a dita Orde, aos comedores de ata 75 comensais correspóndelles contar cun oficial de cociña; aos que teñen entre 76 e 150, un oficial e un axudante, e os de 151 a 250 comensais contarán con dous oficiais e dous axudantes.
“Isto non quere dicir que se vaia a prescindir das persoas que agora mesmo están desempeñando prazas a amortizar, senón que evidentemente son postos a extinguir no futuro, a medida que queden vacantes”, explicou Arias.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
