Lugo, 14 de xaneiro de 2021. O Presidente da Deputación de Lugo, José Tomé Roca, participou este xoves no Pazo de San Marcos, xunto ao presidente da Federación de Comercio de Lugo, José María Seijas, e o director territorial de Abanca, Javier Soto, no sorteo da campaña Este Nadal, o comercio de Lugo máis preto de ti. Comercio de Lugo Seguro, Nadal Seguro, que a institución provincial impulsou cunha achega económica de 52.000€ en colaboración coa Federación de Comercio.
A iniciativa resultou ser un éxito, logo de que xerara un volume de negocio de máis de 2,3M€ en compras realizadas en 5.500 comercios de proximidade da provincia durante o Nadal, en máis de 40 localidades en colaboración coas asociacións de comerciantes e centros comerciais abertos da provincia de Lugo.
Nesta edición, en comparación coa celebrada o ano pasado, rexistrouse un incremento da participación do 7% , chegando a un total de 37.055 persoas. Os concellos nos que se rexistrou un volume máis alto de implicación coa campaña foron os de Lugo, Sarria, Monforte de Lemos, Vilalba, Viveiro e Foz.
A Deputación de Lugo achegou 52.000€ co obxectivo de incentivar e promover entre a veciñanza as compras nos comercios de proximidade da provincia durante o Nadal, dentro da súa folla de ruta de traballar da man co tecido asociativo da provincia e mellorar o actual contexto económico e social derivado da pandemia.
Gañadores dos 10.000€ en premios
As persoas gañadoras dos premios, que ascenden a 10.000 euros nesta edición, daranse a coñecer na xornada de mañá, venres, logo de que o notario que realizou o sorteo comprobe a validez dos tíckets que resultaron agraciados. En total, entregaranse 40 tarxetas: 20 tarxetas de 300 euros e 20 tarxetas de 200 euros.
As persoas agraciadas poderán canxear as tarxetas nos comercios adheridos á campaña, o que suporá unha nova inxección económica nos pequenos negocios da provincia. Para participar, as persoas que mercaran no comercio local debía fotografar e rexistrar o seu tícket de compra na web www.lugonadal.com ou solicitar o seu rexistro ao comerciante.
Apoio ao pequeno comercio
O Presidente da Deputación destacou que a institución colabora dende xa hai anos coa Federación de Comercio en programas e accións para visibilizar a calidade do sector, e para incentivar as compras no comercio de proximidade da provincia. “Foi sempre unha colaboración importante, pero, dende logo, neste ano é fundamental e imprescindible que desde a institución provincial fagamos esta inxección económica ao sector, tendo en conta que, xunto coa hostalería, o turismo e a cultura, é o que está a sufrir o impacto máis grave polas restricións da crise sanitaria”.
Así mesmo, o Presidente subliñou que esta colaboración enmárcase no compromiso da Deputación de traballar da man cos propios sectores produtivos para axudar na recuperación do emprego e da actividade económica da provincia. Nesta liña, explicou que a institución provincial dedica 30M€, un terzo do total do Orzamento, a Políticas Sociais “porque cremos que é o mellor modo de garantir a calidade de vida dos nosos veciños e veciñas, sobre todo dos máis vulnerables”.
“Con esta campaña apoiamos aos 5.500 comercios da provincia nunhas datas fundamentais, pois o Nadal representa un importante volume dos seus ingresos, supoñendo máis do 30% da facturación anual. O comercio de proximidade é un motor fundamental da economía da provincia de Lugo, xerador de emprego e riqueza, e dinamiza as rúas e a vida social. Ademais, é un comercio seguro”, salientou o mandatario provincial.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
