Madrid, 20 de xaneiro de 2021. O Bloque Nacionalista Galego, ante o anuncio de ENDESA de pechar definitivamente a central térmica das Pontes, insta o Goberno español a dar unha solución industrial alternativa de forma urxente e que impedir o pechamento da planta sen antes garantir un futuro económico e industrial de toda a comarca de Ferrol e o mantemento dos postos de traballo.
O portavoz do BNG no Congreso, Néstor Rego, declarou que “o informe feito público por ENDESA no que considera inviábel utilizar como combustíbel na central térmica das Pontes a mestura de biocombustíbeis e carbón, supón que descarta unilateralmente e sen diálogo de ningún tipo prolongar a vida da instalación, confirmando o pechamento que xa anunciara en 2019”. O BNG móstrase preocupado desta decisión que afecta a máis de 2.000 persoas, “pois da planta dependen moitos outros postos directamente vinculados como son os transportistas de carbón, o persoal de empresas auxiliares, as e os traballadores do porto de Ferrol, e todo o tecido empresarial da comarca que dependen da actividade da central e da súa cadea de provedores” sinalou o deputado.
Néstor Rego critica que este anuncio “pon de manifesto o escaso interese que tanto o Goberno central como galego tiveron neste proceso, cando fai só unhas semanas desde as administracións seguía a falarse da viabilidade dos biocombustíbeis e a posibilidade de manter aberta a planta”. Ademais considera inaceptábel que pasaran máis de seis meses sen convocar reunión da Mesa de Futuro para As Pontes, na que participan a Xunta de Galiza, Endesa, o Concello das Pontes, os portavoces dos colectivos afectados, os transportistas e os sindicatos, en representación dos traballadores auxiliares da central térmica galega. “Mesa coa que a empresa non contou antes de facer públicas as súas conclusións e a súa intención de peche definitivo” subliñou.
Por esta razón, o deputado Néstor Rego solicitou convocar de forma inmediata a Mesa das Pontes para analizar o informe feito público pola empresa e acordar as medidas necesaria para garantir a actividade industrial, o mantemento dos postos de traballo e unha verdadeira transición xusta para a comarca de Ferrol. “É máis urxente que nunca ofrecer un Plan de Transición Xusta real e efectivo para As Pontes, dotando á comarca dun proxecto industrial alternativo” destacou. Para a formación nacionalista o Goberno Central non pode consentir que ENDESA peche sen dar unha alternativa e debe garantir unha transición enerxética que permita manter a actividade industrial e os postos de traballo.
Rego lembrou que fai tan só uns días outra empresa, SIEMENS- GAMESA, anunciou o traslado da súa planta das Somozas a Portugal, onde os seus custos de produción son menores, “o que sumado ao xa anunciado peche de ENDESA, que agora volve confirmarse, supón a total desindustrialización da comarca, pero desde o Goberno segue sen darse solucións concretas que o eviten” salientou.
“É máis necesario que nunca que de forma urxente o Goberno do Estado interveña para ofrecer unha solución de futuro para As Pontes e toda a comarca de Ferrol, que se comprometa con lograr unha verdadeira transición enerxética xusta” subliñou o deputado Néstor Rego.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
