Ribadeo, 22 de xaneiro de 2021. O alcalde, Fernando Suárez, manterá o vindeiro luns un encontro con responsables de Correos co obxectivo de mellorar o reparto. A xuntanza prodúcese despois das queixas realizadas por veciñxs e empresarios nos últimos días sobre a entrega da correspondencia, que en moitas ocasións non está a chegar aos seus destinatarios.
O rexedor dixo: “a respecto desta polémica existente co reparto de Correos desde o Concello de Ribadeo, como sempre facemos, non queremos alimentar ningunha polémica e queremos seguir traballando e coordinando o que sexa necesario dentro das posibilidades legais e operativas existentes, pero faise necesario aclarar as situacións de inicio que nos levaron até este momento”.
Suárez Barcia sinalou que “desde o Concello de Ribadeo sempre fomos receptivos coas suxestións de Correos. Vai xa para 6 anos que se lle deu nome a diferentes rúas e viarios municipais que non o tiñan ou téndoa, plantexaba problemas de reparto”.
O alcalde lembrou que “tamén nestes últimos anos fomos recibindo moitas queixas de veciños e veciñas que manifestaban que Correos deixaba de entregarlles correspondencia, moita dela certificada, alegando que non tiñan os datos do enderezo correcto. Desde aqueles momentos mantivemos diálogo con este servizo público estatal para tentar resolver os problemas. De aí que no ano 2018 acordamos realizar un ambicioso e custoso traballo para a revisión de todas as numeracións do concello, tanto na vila como nas parroquias”.
Fernando Suárez subliñou que “todo isto fíxose para satisfacer a Correos, significando que Ribadeo debe ser o único Concello en toda a contorna en realizar este traballo global para tentar eliminar as posibles deficiencias, duplicacións, erros que se foron amoreando nun concello con forte crecemento urbanístico ao longo non dos últimos anos, senón dos últimos cincuenta anos. Con este encargo de renumerar centos de numeracións fíxose un traballo impresionante que quedará para as futuras xeracións xa que se lles deu número incluso aos solares que a día de hoxe non están edificados, para que cando no futuro o poidan estar xa conten cunha numeración concreta e que eviten futuras complicacións”.
O rexedor manifestou que “tamén é de xustiza recoñecer a adaptación, con mais ou menos resignación, da maioría da veciñanza que foi cambiando a numeración dos seus portais e adaptándose a estes cambios necesarios para que o reparto de Correos chegue correctamente. E tampouco podemos obviar que o prazo transitorio de cambio viuse afectado pola pandemia, como tantas outras cousas nas nosas vidas, de aí que se estendera este proceso a todo o ano 2020”.
Suárez Barcia engadiu: “pero agora, parece ser que o Servizo de Correos deu instrución de aplicar de maneira estrita os seus criterios de reparto e non entregando as cartas que non leven correctamente todos as súas variables de datos como o enderezo completo, o número correcto, etc. E por outra banda tamén parece que non toda a cidadanía fixo os cambios necesarios nos seus datos postais perante diferentes organismos (bancos, institucións, entidades, etc.) durante todo este período transitorio”.
O alcalde ribadense indicou: “na opinión deste Concello o Servizo Público de Correos debería, á vista desta situación social na que vivimos, aplicar de xeito mais gradual, mais didáctico e mais informativo os seus procedementos de entrega. E tamén desde logo desde o Concello laiámonos de que todo o que Correos lle esixiu a Ribadeo, non llelo esixa ao resto de Concellos da Mariña e do país, xa que Ribadeo non é o único concello que tivo un crecemento importante nos últimos 50 anos, pero tal parece que estas situacións só se dan aquí desde hai pouco tempo”.
O rexedor aposta pola colaboración: “con todo, o Concello seguirá colaborando con Correos para lograr un concello moderno e ordenado a fin de que todas as cartas poidan chegar a todos os enderezos. É por isto que acordamos manter unha xuntanza cos seus responsables o vindeiro luns para acordar novas medidas conducentes a restaurar unha normalidade desexada”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
