Viveiro, 3 de febreiro de 2021. No máis recente pleno celebrado pola corporación municipal de Viveiro, o goberno local volveu demostrar a súa xa ben probada incapacidade para aceptar propostas do grupo popular, por boas que sexan para os veciños. A alcaldesa, María Loureiro (PSOE), e os seus compañeiros rexeitaron a moción defendida polo PP para a mellora do pavimento e a iluminación da praza Pastor Díaz. O portavoz popular, Óscar Rodríguez, cre que “no pleno de onte viviuse outra incoherencia por parte do goberno municipal; unha máis”. Explica: “Rexeitou a moción que presentou o me grupo, o grupo popular, para reparar a praza de Pastor Díaz, que é o centro neurálxico de Viveiro, por –díxosenos- non ter orzamento para este fin; o orzamento para este ano aínda non está aprobado, polo que se pode incorporar esa obra”. Engade: “Con esta decisión do goberno municipal os veciños de Viveiro e os visitantes seguirán sufrindo tropezóns e camiñando sobre pozas cada vez que chove”.
Os concelleiros do PP destacan que o orzamento municipal de Viveiro para o ano en curso aínda non está aprobado. Polo tanto, hai tantas posibilidades de incluír a mellora da praza Pastor Díaz como queira o equipo de Loureiro. Rodríguez sinala: “E polo que se ve non quere, non ten intención ningunha de mellorar este ámbito urbano. E iso que levamos rexistrados nos últimos doce meses oito accidentes, oito caídas de veciños; estes accidentes falan ben claro do estado en que se atopa o pavimento da praza e da necesidade de intervir”.
Os populares sinalan, por boca de Óscar Rodríguez: “Pouco despois de rexeitar a nosa proposta, o goberno apoiou unha moción do concelleiro non adscrito para incluír no orzamento un plan municipal para a xuventude, un plan que está sen facer e que hai que valorar; e decide incorporalo aos orzamentos sen máis. Está claro que o voto en contra do goberno á mellora da praza non ten que ver coa cuestión orzamentaria”. Rodríguez recorda que o seu grupo propuxo elaborar un informe técnico sobre o pavimento e o alumeado da praza, para que servira de base para a mellora de tan significativo ámbito urbano.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
