Santiago de Compostela, 5 de Febreiro 2021. A portavoz do grupo parlamentario do BNG, Olalla Rodil denunciou a negativa da Xunta de Galiza a remitir a información solicitada polo BNG sobre as inspeccións e expedientes abertos ás residencias de maiores. Neste sentido, cualificou de “alarmante e indignante” a “conivencia entre a Xunta de Galiza e DomusVi” sobre todo, despois de coñecer a vacinación irregular da conselleira delegada e o seu irmán saltando todos os protocolos establecidos polo SERGAS.
Por outra banda, engadiu Rodil, a Xunta impide, de maneira sistemáticas, o acceso aos expedientes iniciados nas residencias de DomusVi. Dende que comezou a lexislatura, explicou a deputada, o BNG formulou diferentes peticións para coñecer a situación na que se atopan as residencias do grupo DomusVi, responsable de xestionar o 20% das prazas privadas en Galiza.
Hai que lembrar que no primeiro ano da pandemia o 40% das persoas falecidas en Galiza con Covid19 eran usuarias de residencias e que foron, precisamente, as residencias de DomusVi as que rexistraron contaxios masivos e un maior número de falecementos ao longo destes meses. Sen embargo, descoñecemos os datos reais a este respecto porque a Xunta de Galiza “négase tamén a dar os datos desagregados por residencias”.
Para a nacionalista, este proceder evidencia unha clara e intencionada “ocultación” da información e unha vulneración dos dereitos das deputadas e deputados para acceder a información no seu labor de control ao goberno”.
Rodil afirmou que nunca poden estar “por riba os intereses de empresas e entidades privadas sobre o dereito democrático de acceso á información e a coñecer o estado no que se atopan os servizos públicos deste país” así como das residencias que atenden a máis de 21 mil persoas.
A nacionalista insistiu en que xa non valen “escusas de mal pagador para intentar xustificar esta ocultación dicindo que son procesos aínda abertos ou xudicializados.”
“É vergonzante” que a documentación remitida sobre a situación das residencias á Comisión de reactivación, sexa reducida a 11 follas que non aportan ninguna información significativa. A Xunta está a impedir ao Parlamento saber cantas empresas foron sancionadas pola falta de calidade da comida, o incumprimento das ratios de persoal de atención directa ás persoas usuarias ou si o trato a residentes é correcto. Neste ámbito, a Xunta está actuando como “parapeto” das empresas privadas que xestionan as prazas das residencias galegas e lembrou que o “80% das prazas son privadas”. A Xunta, recalcou, protexe á conselleira delegada de DomusVi por vacinarse cando non lle tocaba e protexe a esta e outras empresas para “agochar” o que realmente esta acontecendo. Rodil tras denunciar “conivencia” entre a Xunta e a multinacional, DomusVi lembrou que tamén se oculta o expediente na residencia Nosa Señora dos Remedios, en Ourense.
A deputada do BNG anunciou que o grupo parlamentario nacionalista reclamará o amparo da Presidencia do parlamento para que vele e defenda os dereitos dos e das deputadas e pediu á Xunta que “ non esconda nada. Que deixe de ocultar información ao BNG e ao Parlamento e que deixe de vetar o acceso á documentación solicitada”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
