Ribadeo, a 10 de febreiro de 2021. O voceiro do Grupo Municipal Popular ribadense, Daniel Vega, defende que “o tecido económico local necesita a axuda de todos” e, polo tanto, reivindica “un acordo de toda a corporación” para facer fronte á crise derivada das medidas para frear a pandemia da covid-19 e para paliar os seus efectos entre os sectores produtivos máis afectados en Ribadeo.
Con ese obxectivo, o Grupo Municipal Popular levará ao pleno da corporación municipal unha moción “con medidas concretas que tamén pide o tecido económico local” despois de ter defendido xa ata en dúas ocasións, a primeira o 23 de marzo do 2020, un plan de reactivación para Ribadeo que non contou co apoio do goberno local do BNG. A nova proposta dos populares recolle:
1.- A exención extraordinaria da taxa do lixo e da auga para os locais afectados polo peche de actividades previsto na orde do 26 de xaneiro de 2021 pola que se establecen medidas de prevención específica a consecuencia da evolución da situación epidemiolóxica en Galicia.
2.- A suspensión da vixencia da taxa pola ocupación do dominio público (terrazas, venda ambulante, alugueiro dos postos da Praza de Abastos) e a suspensión do IBI no 2021 para os negocios afectados polas medidas para a contención da covid-19.
3.- Axudas directas aos negocios pechados para dar cumprimento á orde do 26 de xaneiro ou que reduciron en máis dun 75% os seus ingresos respecto ao mesmo período do ano 2020.
4.- Un plan urxente de pago a provedores para aboar as facturas pendentes no menor tempo posible para contribuír a reducir o efecto económico deste tempo de parálise.
Apoios para axudar a paliar gastos e perdas
O voceiro popular considera que “as medidas establecidas para a xestión da crise sanitaria da covid-19 condicionan o normal exercicio das actividades económicas que van dende o peche total da actividade, á redución de aforos ou á implantación de medidas preventivas”. Isto deriva en perdas económicas que se acrecentan máis na vila de Ribadeo debido ao peche perimetral da comunidade autónoma que supón a perda de moitos clientes para o comercio local ou na necesidade de facer fronte a outros gastos en subministros (máscaras, hidroxeles e produtos de limpeza) e materiais (mamparas, toldos, etc.).
Vega reivindica “o apoio de todos ao noso tecido económico” e subliña que “outras administracións coma a Xunta establecen apoios para os distintos sectores afectados polas medidas sanitarias para a contención do coronavirus e tamén axudas para os sectores que viron limitadas a súa actividade tralas últimas medidas para a xestión da pandemia en Galicia”. Así mesmo, explica que “outros Concellos establecen axudas ou outras medidas coas que axudar a paliar a falta de ingresos nestes momentos”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
