Ribadeo, 12 de febreiro de 2021. Todos os usuarios e usuarias así como o persoal do Hospital Asilo recibiron hoxe a primeira dose da vacina contra o covid19. Para o alcalde, Fernando Suárez, trátase dunha moi boa noticia.
O rexedor dixo que “hoxe continuamos cunha boa nova en relación coa loita contra o coronavirus nas residencias de maiores de Ribadeo. A primeira hora desta mañá foi por fin aplicada a vacina no Hospital Asilo de San Sebastián e San Lázaro, logo de ter superado o gromo que o afectou nas últimas semanas. As vacinas foron postas á totalidade de usuarios e persoal, unhas 42 persoas, xa que todas elas aceptaron sen problema a recepción da mesma”.
Fernando Suárez sinalou que “esta é a primeira dose, tendo en conta que a segunda hai que poñela a partir das tres semanas seguintes. Evidentemente, hai que seguir mantendo as precaucións de comportamento, contacto, visitas, et, para lograr a máxima efectividade”.
Para o alcalde “desde logo que é unha moi boa noticia o feito de xa ter posta esta vacina así como o feito de que neste caso, todos os usuarios con capacidade de decisión ou no seu caso os familiares que poden decidir polos que non o poden facer, optaron por poñer a vacina”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
