Santiago, 26 de febreiro de 2021. Os deputados do Partido Popular, José Manuel Balseiro e Sandra Vázquez, veñen de rexistrar no Parlamento galego unha iniciativa na que se interesan polas melloras previstas pola Xunta na estrada LU-170, en concreto, no treito que une as localidades de Cabreiros e Momán, ao seu paso polo termo municipal de Xermade.
A pregunta parlamentaria está previsto que reciba resposta por parte do Goberno na Comisión de Infraestruturas da Cámara galega que se reúne a vindeira semana.
Os servizos técnicos da administración autonómica veñen traballando na redacción dun proxecto de mellora desta vía que discorre a escasos metros do casco urbano xermadino e próxima ao polígono, ademais de ser unha estrada que serve de acceso a outras parroquias e conflúe coa AG-64 en Cabreiros e tamén enlaza coa A-6.
Os parlamentarios lembran que, no pasado, a Xunta actuou en varios treitos desta mesma estrada, que foron obxecto de mellora, e sinalan a importancia de “completar” estas actuacións no tramo pendente “canto antes”.
Esta actuación “cobra máis relevancia” tendo en conta que esta vía está sometida a condicións climatolóxicas adversas, durante longos períodos do ano, e soporta a circulación de vehículos agrícolas, forestais e industriais, “o que contribúe ao deterioro do firme”.
A través desta iniciativa parlamentaria os deputados preguntan, máis en concreto, en que consisten máis polo miúdo as obras previstas pola Xunta, a situación administrativa na que se atopa este proxecto técnico e o orzamento que o Goberno galego reserva para levar a cabo esta actuación.
Xa por último, desde o PP enmarcan estes traballos no compromiso da Xunta por conservar a rede viaria autonómica en óptimas condicións un obxectivo que promove a Consellería de Infraestruturas e Mobilidade para proporcionar aos usuarios –neste caso á veciñanza de Xermade e municipios veciños- unhas vías máis cómodas e seguras.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
