Barreiros, 12 de marzo de 2021. A alcaldesa de Barreiros, Ana Ermida, vén de decretar o inicio da execución forzosa para a limpeza de 23 fincas que foron notificadas polo Concello e cuxas propiedades desatenderon os requirimentos, pese a telos recibido. Ao mesmo tempo, 13 fincas cuxos propietarios son descoñecidos ou non recolleron a notificación, serán notificados a través da publicación no BOE, que se prevé para o 18 deste mes.
En ambos casos, establécese un prazo de 15 días para a realización das labores e, en caso de non realizalas, as multas de 1.000 euros serán efectivas transcorrido dito prazo; reiterándose trimestralmente e podendo chegar aos 10.000 euros.
Paralelamente, poderán iniciarse os correspondentes expedientes sancionadores, cuxas sancións se sumarán ás multas coercitivas.
Igualmente, o Concello poderá realizar as labores necesarias para o adecentamento das fincas, pasándolle o custe á propiedade.
Ana Ermida explica que o goberno municipal leva desde o inicio do mandato procurando unha mellora da imaxe do municipio e a colaboración dos propietarios de fincas en estado de abandono para o seu mantemento. A alcaldesa manifestou que en moitos casos conseguiuse que se atendese aos requirimentos feitos e, “precisamente por iso, por igualdade e xustiza para aquelas persoas que manteñen as súas fincas en bo estado por un ben común como é a boa imaxe e a salubridade da veciñanza, temos o firme convencemento de seguir adiante cos expedientes de limpeza de fincas.”
A rexedora manifestou que “unha parte destas parcelas pertencen a empresas ou entidades bancarias que no seu momento as adquiriron e que non realizan as oportunas labores de mantemento, polo que non podemos permitir que haxa veciñas e veciños que cumpran escrupulosamente coas súas obrigas e outras que non o respecten.”
No caso das parcelas cuxa propiedade se descoñece ou non recibe as notificacións, serán notificadas por medio dunha publicación no BOE, tal e como prevé a lei, para posteriormente continuar co expediente, podendo mesmo o Concello asumir as tarefas. A dificultade para localizar as persoas propietarias destes inmobles á hora de que asuman os gastos, podería abrir a porta mesmo á expropiación das parcelas.
Ana Ermida informou igualmente de que nos vindeiros días o Concello iniciará tamén expedientes de execución forzosa para a retirada de plantacións forestais que incumpren a lei de incendios.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
