Burela, 16 de marzo, 2021. O Pescados Rubén Burela FS non puido estrear a semana puntuando na rifadísima cita ante Industrias Santa Coloma (4-3). Aínda que foron os de de Sito Rivera os primeiros en atopar a portería, os locais deron a volta ao marcador na recta final da primeira parte, cunha nova poutada laranxa chegando á bucina do ecuador. Tras o descanso, os galegos mereceron máis polo perigo xerado aínda que foron os cataláns os que conseguiron distanciarse grazas á estratexia e nunha transición. Matamoros subiu o definitivo 4-3 nun penalti a 8 segundos do asubío.
O Industrias tentou crear problemas nas saídas do Pescados Rubén encomendándose á intensidade. Tras o perigo de Álvarez e Uri Santos sobre a rede de Kaluza, os mariñáns dispuxeron de dous bos remates sobre a medianía da primeira parte, ante a correcta resposta de Mario, que non puido desartellar pouco despois as intencións de Iago Míguez, finalizando ao segundo pau libre de marca. Kaluza volveu ler á perfección a Álvarez no minuto 14 para manter a vantaxe burelista a salvo. A falta de tres minutos para o descanso, Industrias igualou a contenda cun disparo de Sepe desde a frontal da área que o meta burelista non conseguiu neutralizar a pesar de tocalo. Cardona, dun disparo raso, deulles unha nova alegría aos locais para poñerse por diante. Os galegos non estaban dispostos a marchar aos vestiarios sen pelexar ata a bucina e así atoparon de novo o empate, cun remate de Pazos que se coou entre as pernas de Mario a falta de 26 segundos.
O Pescados Rubén Burela volveu con moito perigo. Renato e Matamoros foron os primeiros da lista fronte ás boas respostas de Borja. Estaban a merecelo o galegos pero foi o Santa Coloma o que atopou o premio en estratexia, nun saque de banda culminado por Álvarez. Tocaba remar contra unha corrente que se intensificou no 36 co 4-2 de Cardona nunha transición rápida. Respondeu entón o Pescados Rubén con Álex Diz como porteiro xogador pero a artillería mariñá bateu de novo con Borja. Matamoros rubricou o 4-3 final transformando un penalti a 8 segundos da bucina.
Sábado, visita de Levante
Os mariñáns volverán ao parqué o sábado coa visita de Levante UD FS (18.30 horas), no cume, nunha fin de semana repleta para a axenda laranxa de Vista Alegre, que acollerá ademais dúas citas aprazadas de Primeira Feminina, con AD Alcorcón o venres (19.30 horas) e Móstoles FSF o domingo (13.00 horas).
Ficha técnica
Industrias Santa Colma: Mario, Corso, Sepe, Bermusell, Drahovský, cinco inicial; tamén xogaron Uri Santos, Álvarez, Cardona, Bruno Petry, Llamas, Khalid, Borja
Pescados Rubén Burela FS: M. Kaluza, Iago Míguez, Matamoros, David Pazos, Álex Diz, cinco inicial; tamén xogaron Quintela, Renato, Giasson, Javi Rodríguez, Pitero
Goles: 0-1, minuto 10, Iago Míguez; 1-1, minuto 17, Sepe, 2-1, minuto 19, Cardona; 2-2, minuto 20, David Pazos; 3-2, minuto 29, Álvarez; 4-2, minuto 36, Cardona; 4-3, minuto 40, Matamoros (penalti)
Árbitros: Alonso Montesinos // Santander Flamarique. Por Santa Coloma amarela a Drahovský (minuto 12), Petry (minuto 23), Sepe (minuto 27), Llamas (minuto 40). Por Burela amarela para Pazos (minuto 36)
Incidencias: Partido correspondente á xornada 24 de Primeira División Masculina disputado en La Colina.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
