Ribadeo, 29 de marzo de 2021. No Concello de Ribadeo terá lugar esta tarde, a partir das 20:00 horas, un pleno ordinario no que tomará posesión o novo concelleiro do goberno municipal, Marcos Villamil, que substitúe a Jesús Mundiña. Na sesión serán sometidas a aprobación inicial as novas ordenanzas de limpeza e xestión de residuos e das praias.
O alcalde ribadense, Fernando Suárez, declarou que “é interesante o pleno ordinario que está convocado para esta tarde. Trataremos varios asuntos de interese e ademais tomará hoxe posesión do cargo o novo concelleiro do goberno municipal, Marcos Villamil González, que vai levar as importantes áreas e cometidos de Medio Rural que ata agora viña desempeñando o compañeiro Jesús Mundiña”.
O rexedor explicou que “entre outros asuntos trataremos as aprobacións iniciais da nova ordenanza de limpeza e de xestión de residuos. Isto é así porque a actual ordenanza de protección medioambiental de Ribadeo foi aprobada xa hai quince anos, e desde aquela téñense producido importantes cambios na nosa sociedade, destacando unha gran toma de conciencia en materia medioambiental como tamén o reflicte así a evolución da lexislación medioambiental en todo este período. Polo tanto, consideramos necesario derrogar esta ordenanza tan antiga para ser aprobada unha nova e específica de limpeza e de xestión de residuos. O novo marco normativo en canto á xestión de residuos está baseado nunha economía circular, así como tamén recollen as inquedanzas que nos últimos anos nos foron trasladando a veciñanza e o persoal municipal como pode ser a propia Policía Local que son a base desta normativa”.
Suárez Barcia engadiu que “por outra banda consideramos necesaria tamén a aprobación dunha ordenanza específica de praias. Dunha parte, as especiais características da nosa costa e dos nosos areais así o requiren, regulando tamén temas como a presenza de cans, actividades deportivas, a pesca, prevención de riscos como os desprendementos, etc…, e ademais de ser un requisito que nos viñan esixindo desde hai tempo Bandeira Azul e a Q de Calidade Turística”.
O alcalde dixo que “tamén trataremos unha solicitude da Xunta de Galicia na que nos pide unha interpretación xurídica dun artigo do vixente Plan Xeral de Ordenación Municipal en relación sobre cal debe ser a prevalencia legal da tipoloxía das especies arbóreas aquí en Ribadeo. Neste senso, o secretario da Corporación emitiu un informe técnico no que indica que a lei do solo e a lexislación sectorial deben prevalecer sobre o disposto no PXOM, de aí que a Corporación Municipal debamos ratificar este informe”.
E engadiu: “finalmente, trataremos varias mocións presentadas por grupos municipais e por asociacións, e tamén abordaremos unha moción de urxencia presentada pola confraría de pescadores de Ribadeo solicitando o apoio municipal ás súas xustas demandas sobre un novo regulamento europeo que vai entrar en vigor e que prexudica seriamente os intereses da flota artesanal de baixura”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
