Santiago de Compostela, 6 de marzo, 2021. A deputada do BNG defendeu hoxe na Comisión de Pesca demandar do Ministerio de Transportes, Mobilidade e Axenda Urbana que a Dirección Xeral da Mariña Mercante recuperar os cursos de formación e seguridade para os traballadores do mar así como implementar a posibilidade da formación on line nos cursos completando a parte teórica on line cunha parte práctica presencial.
A proposta do BNG, aprobada por unanimidade, tamén insta á Xunta a crear unha unha plataforma dixital para facilitar o acceso á programación da formación non regrada dos seus centros de ensino.
Na defensa da iniciativa, a deputada explicou que o Convenio Internacional sobre normas de formación e titulación para tripulantes, foi aprobado en 1978 pola Organización Marítima Internacional (OMI), co obxectivo de dotar aos traballadores do mar dunha “competencia de profesionalidade no desempeño das súas funcións con garantías de seguridade na navegación”.
Dende a entrada en vigor das “emendas de Manila”, engadiu a nacionalista, introdúcense cambios importantes no Convenio, como a “obrigatoriedade da actualización de certificados de especialidade: Formación básica en seguridade, loita contra incendios, embarcacións de supervivencia e botes de rescate non rápidos, etc”.
Dende o ano 2017, os traballadores do mar deben realizar cursos de reciclaxe para a “revalidación dos certificados de especialidade” obrigatorios para desempeñar calquera actividade profesional a bordo dun buque.
Os cursos son obrigatorios pero a oferta de cursos subvencionados, criticou a deputada do BNG, “é insuficiente e agravada aínda máis polas restricións da COVID” e alta demanda para optar a unha praza conleva pre-matrículas cun ano de antelación”.
Esta situación, afirmou Rosana Pérez, obriga a pagar o curso nun centro privado, “entre 150 e 300 euros para actualizar os certificados e entre 400 e 600 a súa expedición”.
Con certificados caducados non se permite embarcar
A maiores, explicou, en moitos casos só queda recorrer aos centros de formación privados para facer coincidir os descansos das tripulacións coas datas dos cursos ofertados porque “con certificados caducados non se pode embarcar”, circunstancia que obriga aos mariñeiros a renunciar a unha marea, é dicir, entre 15 e 30 días sen actividade e cun grande prexuízo económico. Ademais, engadiu a nacionalista. Por outra parte, “un vez superado o curso, debe ser solicitada a homologación do título en Mariña Mercante e pagar as taxas correspondentes”.
No caso concreto do certificado de Formación Sanitaria Específica, remarcou, se non é revalidalo é necesario realizar o curso completo cunha duración de cinco días fronte a dous e cun prezo que pasa de 300 a 600 euros. Ademais, “perderían a antigüidade nas listas de actualización e entrarían no último posto das listas para o curso de expedición”.
En opinión da nacionalista, as persoas que traballan no mar teñen restrinxido o acceso a unha formación que se lles esixe obrigatoria pola falta de adaptación do sistema formativo ás condicións específicas da profesión e á unha “evidente desidia e desinterese da administración para resolver este problema”
Dende o BNG propoñemos que a Xunta demande ao goberno do Estado facilitar, a través do ISM e outras institucións, a realización dos cursos de mantemento da competencia dirixidos á renovación ou obtención do certificado de suficiencia, garantindo os cursos nun centro público e de maneira gratuíta para evitar acudir ás empresas privadas e cun custe inasumible para moitos traballadores do mar.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
