Foz, 7 de abril de 2021. O alcalde de Foz, Fran Cajoto, pídelle ao Partido Popular local que deixe os ataques furibundos contra o goberno municipal e que traballe en positivo polo concello e os seus veciños.
“Desde que chegamos ao goberno e estamos coa responsabilidade da Alcaldía de Foz comprometemos traballo, esforzo e honestidade. Pero estou vendo que o Partido Popular volve ao momento das eleccións con ataques furibundos, agora incluso xogando cos apelidos e faltando á honra dos que somos servidores públicos. Penso que é algo que non merecemos ni nós mesmos nin os veciños de Foz en xeral”, manifesta o rexedor municipal.
Fran Cajoto engade que “coas últimas declaracións do PP parece que en vez de facer unha beirarrúa en Vilaxoane quere tirar muros e casas existentes para axustarse a unha normativa que, co pouco espazo físico que hai, en ningún caso se podería cumprir. En Julia Minguillón queren tapar o acceso a un garaxe particular, onde se fixo unha beirarrúa nova nun lugar onde non a había e os carriños dos nenos tiñan que ir sorteando os vehículos; e tampouco queren que se abra unha rampla para a residencia de maiores. Incluso critican a potestade do presidente da corporación municipal, que son eu, de retirar unha proposta para aprobar a primeira imaxe corporativa que ten o Concello de Foz; pola ausencia de dous membros do equipo de goberno non procedía porque compre unha maioría ampla e folgada”.
Para rematar o alcalde de Foz manifesta: “nós seguiremos traballando e esforzándonos e continuaremos falando con rigor e honestidade e o que lle pido ao Partido Popular de Foz é que dunha vez traia investimentos da Xunta de Galicia, onde si goberna o PP. Un exemplo é o porto de Tupide porque despois de facer varias falsas promesas os populares no Parlamento galego votaron en contra da súa reforma e dunha dragaxe máis que necesaria. O traballo real que poden facer polos veciños e veciñas é traer investimentos reais e deixar que o resto traballemos con honestidade. E eles tamén o poden facer, con propostas, concordando e mirando polo ben de todos, que penso que debería ser o obxectivo cando calquera persoa se presenta a un posto público e o votan os seus concidadáns”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
