Foz, 15 de abril, 2021. O festival Bal y Gay presentou a súa edición de 2021, que se celebrará do 14 ao 16 de maio e do 18 ao 26 de agosto na Mariña lucense cun programación musical de excelencia en espazos máxicos, onde a música compartirá protagonismo coa historia, o patrimonio, a paisaxe ou a gastronomía da zona.
O festival comezará do 14 ao 16 de maio co ciclo ‘Schubert non Camiño’, vinculado ao Camiño de Santiago e que ofrecerá as actuacións de Judith Jáuregui, Cuarteto Cosmos e Christoph Prégardien en tres etapas do Camiño do Norte. Posteriormente, terá lugar a edición estival do 18 ao 26 de agosto con Javier Perianes, Pablo Sáinz-Villegas, Cuarteto Casals ou a Orquestra Sinfónica de Galicia. Unha atractiva programación que incluirá unha homenaxe a Gershwin, concertos familiares, conferencias, talleres e clases maxistrais.
A presentación tivo lugar na Casa de Galicia de Madrid coa presenza de Anxo Lorenzo, Secretario Xeral de Cultura da Xunta de Galicia; Sonia Mulero, directora da Fundación Banco Sabadell; Francisco Cajoto, alcalde de Foz e presidente da Mancomunidade da Mariña; Enrique Rodríguez Baixeras, presidente da Fundación Xesús Bal y Gay; Alba Rodríguez, directora do festival; e Pablo Sáinz-Villegas, un dos artistas desta edición.
O festival Bal y Gay 2021 comezará en maio co ciclo ‘Schubert non Camiño’, asociado ao Camiño de Santiago e en colaboración coa Schubertiada de Vilabertrán. Serán tres concertos en tres etapas do Camiño do Norte: a pianista Judith Jáuregui tocará o día 14 na Basílica de San Martiño (Foz), Cuarteto Cosmos e o violonchelista Fernando Arias estarán o día 15 na Igrexa de Santa María (Vilanova de Lourenzá) e o tenor Christoph Prégardien co pianista Daniel Heide o día 16 na Catedral de Mondoñedo. Así mesmo, haberá excursións guiadas por distintas etapas do Camiño do Norte os días 15 e 16 como actividades complementarias do ciclo.
O festival continuará do 18 ao 26 de agosto baixo o título de ‘Música á beira do mar’ coas actuacións de Cuarteto Seikilos (18, Pazo do Conde de Fontao de Foz), Cantoría (19, Iglesia de Santiago de Foz), ‘O Amor e a Morte’ do pianista Javier Perianes (20, Auditorio Hernán Naval de Ribadeo), ‘O Amor Bruxo de Falla’ da Orquestra de Cámara do Festival Bal y Gay coa cantaora María Toledo e dirixidos por Jaume Santonja (21, Auditorio de Burela), ‘Alma de Guitarra’ do guitarrista Pablo Sáinz-Villegas (24, Fábrica de Sargadelos de Cervo), Cuarteto Casals (25, Basílica de San Martiño de Foz) e a Orquestra Sinfónica de Galicia con Dima Slobodeniouk (26, Catedral de Mondoñedo). A paixón e o amor son o fío condutor dunha edición caracterizada pola música española e o talento nacional.
Bal y Gay 2021 presentará dous concertos extraordinarios: o quinteto de metal ‘ Hercules Brass’ (22 e 23, Barreiros e Vilanova de Lourenzá) e ‘Puro Gershwin’ coa cantante Sheila Blanco, o pianista Federico Lechner e o guitarrista Chema Sáiz (22, Foz). Tamén se realizarán concertos familiares con Cantoría (21 e 22, San Cibrao en Cervo, Ribadeo e Riotorto).
O festival programará nesta edición dous ciclos de conferencias: ‘Encontros entre a música e palabra’ con invitados de renome na música clásica (agosto, Foz) e ‘Descubrindo ás mulleres compositoras’ (agosto, formato en liña). Por último, haberá dous talleres: ‘Falamos de música’ (maio, xuño e xullo) e ‘Recordos Musicais’ (17, 19 e 21 de agosto, residencias da terceira idade de Foz e Ribadeo).
“O obxectivo é seguir enchendo a Mariña de música en vivo de calidade, que permita afianzar a comarca como destino cultural de referencia en Galicia e España, e facilitar que a poboación local goce dunha programación de excelencia en espazos realmente máxicos, onde a música comparte protagonismo coa historia, o patrimonio, a paisaxe ou a gastronomía da zona” sinalou Alba Rodríguez, directora do festival. “A cultura é segura e demostrouse en numerosas ocasións. O ano pasado conseguimos sacar adiante o festival nun escenario cheo de incerteza e o éxito da edición, así como a seguridade transmitida ao noso público, avala o noso bo facer e mantén a confianza no proxecto por parte de administracións públicas e privadas”, engadiu sobre o contexto pandémico actual.
UN FESTIVAL DE REFERENCIA EN GALICIA E ESPAÑA
O festival Bal y Gay nace en 2014 como iniciativa da Asociación Xesús Bal Gai -convertida agora en Fundación- coa intención de facer accesible a música clásica a todos os públicos. Desde entón, grandes artistas nacionais e internacionais reúnense durante o mes de agosto nas localidades da Mariña para promover a formación musical, así como para vivir experiencias artísticas nas que a música comparte protagonismo coa historia, o patrimonio arquitectónico, a paisaxe ou a gastronomía da zona. Trátase dun proxecto que enriquece culturalmente á poboación e provoca unha afluencia turística que dota á provincia de maior visibilidade.
Sete anos despois, consolidouse como un festival de referencia en Galicia e España, debido á excelencia das súas propostas artísticas en espazos emblemáticos da zona, a un formato único que permite o contacto entre municipios (Foz, Mondoñedo, Ribadeo, Burela, Cervo, Lourenzá, Barreiros, Riotorto) e ao público gozar da beleza da comarca. É un proxecto integrador na comarca de carácter formativo no que a música é un instrumento dinamizador da poboación. Bal y Gay crea afección, identidade e comunidade ao redor do proxecto con concertos familiares de carácter didáctico, charlas, cursos formativos, o proxecto musicosocial que está a implantar a Fundación e clases maxistrais cos mellores solistas, que permiten aos estudantes compartir experiencias artísticas con grandes nomes da música clásica.
A boa xestión do festival Bal y Gay foi avalada por entidades privadas e públicas que aumentaron o seu apoio ao festival, conseguindo crear un proxecto sólido e dotalo dunha estrutura estable. Mantense a Fundación Banco Sabadell como principal entidade colaboradora, o apoio esencial da Xunta e da Deputación de Lugo, así como a axuda dos concellos participantes e outros patrocinios de empresas clave da zona. Ademais, este ano cóntase co apoio extraordinario por parte do Xacobeo 21, que permite organizar o ciclo ‘Schubert non Camiño’ e que garante maior continuidade á proposta.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
Non deben prematricularse quen continúe co mesmo instrumento nin quen opte a talleres, Música e Movemento, Pandeireta ou Instrumentos Tradicionais, que se inscribirán en setembro. As solicitudes presentaranse no rexistro do Concello ou na sede electrónica, sen garantir praza. O alumnado xa matriculado mantén a súa praza se formaliza a matrícula entre o 1 e o 9 de setembro. A Escola contactará na primeira semana de setembro para confirmar dispoñibilidade segundo o Regulamento interno.
A xornada incluirá exhibicións de patinaxe artística e ximnasia rítmica, así como a entrega de diplomas e dun agasallo para todos os nenos e nenas das distintas disciplinas das escolas: voleibol, balonmán, multideporte, ximnasia rítmica e patinaxe artística. Será unha tarde especial para recoñecer o esforzo, a ilusión e o compañeirismo amosados ao longo de todo o curso.
O corte afectará ao tramo comprendido entre os puntos quilométricos 19,765 e 22,933. As obras, executadas pola empresa OVISA Pavimentos y Obras S.L.U., contan cun investimento da Deputación de Lugo de preto de 190.000 euros.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. No acto de apertura servirase un viño acompañado dun pequeno aperitivo.
O colectivo denuncia que, tras anos de espera, continúa sen obter unha resposta xusta ás súas reivindicacións e esixe o recoñecemento da súa categoría profesional, unha reclasificación acorde coa súa cualificación e unha retribución inmediata e adecuada ás súas funcións. Os profesionais reclaman tamén axilidade nas solucións, lembrando que levan demasiado tempo entre promesas incumpridas e parálise administrativa.
Nesta edición interpretará obras de Haydn e Chopin, ademais de presentar composicións propias nun programa íntimo e especial que xa se converteu nun encontro imprescindible cada ano. Ao rematar, ofrecerase un brinde e aperitivo para todos os asistentes. As entradas están á venda e pódense reservar no teléfono 644 69 42 80.
