Santiago de Compostela, 20 de abril , 2021. O BNG acadou o apoio unánime á proposición non de lei defendida pola deputada, Rosana Pérez para demandar do Goberno do Estado a defensa da frota artesanal galega na tramitación, “aínda pendente” do Regulamento de control da Pesca da UE.
O acordo recolle a negativa ás medidas do novo Regulamento relativas a inclusión das cámaras a bordo, imposición da xeolocalización e obriga do diario electrónico de pesca, así como impulsar medidas alternativas e non invasivas dialogadas co sector.
Por outra parte, a nacionalista salientou a necesidade de modificar a definición de frota artesanal tendo en conta os criterios que vén formulando o propio sector dende hai anos. O acordo acadado polo BNG inclúe a actuación para excluír a frota artesanal do sistema de TACs e cotas e negociar unha maior dotación dos fondos europeos, nomeadamente do FEMPA, para atender a eventual obrigatoriedade dos mecanismos de control recollidos agora no Regulamento sen que vaian a conta de partidas destinadas a outras necesidades do sector nin, en ningún caso, do propio sector.
Na proposta do BNG, Rosana Pérez demandou da Xunta un posicionamento público sobre o Regulamento de Control da pesca que vén de aprobarse no Parlamento europeo, “exercer as competencias en augas interiores e aplicar as normas de control propias”.
No suposto dunha aprobación nos mesmos termos do Regulamento de control, afirmou a deputada, o acordo aprobado hoxe por unanimidade contempla elaborar as previsións económicas necesarias para atender os custes da aplicación das novas medidas.
Na defensa da proposta, a nacionalista cualificou de “penúltima estocada ao sector pesqueiro galego” a reforma do Regulamento de control de pesca recentemente aprobada na euro cámara.
A modificación agora aprobada, que aínda non é definitiva e que se prevé que non entre en vigor antes do ano que vén, inclúe, entre outras medidas, explicou a deputada, cámaras a bordo para controlar as capturas e o cumprimento dos descartes para buques de máis de 12 metros, xeolocalización permanente de toda a frota de máis de catro metros, incluída a recreativa, e levar un diario eléctronico de pesca (DEA) a bordo de todos os buques de máis de 4 metros para que notifiquen dende o barco as súas capturas.
Esta normativa, en opinión da deputada do BNG, “volve ignorar por completo a realidade da frota galega e a súa singularidade: o tamaño dos seus barcos, as zonas onde habitualmente faenan, duración das mareas, xeito de faenar e mesmo a operativa na venda do produto”.
Para a deputada, o novo Regulamento representa unha norma que coloca ao sector como “sospeitoso permanente e depredador dos propios recursos” de aí a oportunidade do acordo unánime acadado hoxe no Parlamento galego para frear algunhas das medidas, aínda por aprobar, e que resultan gravemente lesivas para o sector, concluíu.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
