Viveiro, 24 de abril de 2021. O Concello de Viveiro entregou esta mañá os premios dos certames de debuxo infantil e fotografía amateur convocados no marco da programación do Día da Muller. Ambos concursos trataron a figura da muller no traballo, co obxectivo de sensibilizar á cidadanía sobre a igualdade laboral entre homes e mulleres.
O certame de debuxo infantil, celebrado co apoio dos centros educativos, centrouse na temática “mamá traballadora”. Entre os debuxos presentados polos cativos e cativas, resultaron gañadoras as obras de Juan Míguez Vázquez, Antía Pardo Andino, Beatriz García Fernández e Laura Peña Rodríguez.
No caso das obras fotográficas, centradas na temática “traballos e mulleres”, foron premiadas as imaxes de Sandra López López, Esther López Álvarez , Paco López López e María Simón Cundís.
Dado o contexto sanitario, os certames desenvolvéronse telematicamente, presentando as obras en liña, polo que a veciñanza puido votar polas súas favoritas.
No acto de entrega de premios, que cumpriu co protocolo sanitario pertinente, estiveron presentes Jesús Fernández, tenente de alcalde de Viveiro, e Lara Fernández Fernández-Noriega, concelleira de Cultura de Viveiro.
“Agradecemos a alta participación dos centros educativos, no caso do certame de debuxo, e dos particulares, no de fotografía. Este tipo de proxectos de sensibilización son clave para que continuemos loitando pola igualdade entre homes e mulleres”, afirmou Lara Fernández Fernández-Noriega, concelleira de Cultura.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
