Madrid, 5 de maio de 2021. O deputado do BNG no Congreso, Néstor Rego, anuncia que na próxima terza feira (día 11) defenderá unha Proposición Non de Lei na Comisión de Industria da cámara baixa para concretar un calendario para a intervención pública de Alcoa e evitar o fechamento da factoría e o despedimento de millares de traballadores e traballadoras. Ante a falta de solución no período previsto e o crecemento da incerteza entre o persoal de Alcoa, a organización nacionalista reclama ao Goberno español que se implique para evitar o desastre social e económico que suporía a desaparición da planta de aluminio para a comarca da Mariña e o conxunto da Galiza.
Néstor Rego lembra que o Congreso xa instou o Goberno no mes de outubro do pasado ano a intervir a planta -mesmo que fose temporalmente- para garantir a continuidade da actividade. Unha vez quer finalizou o período estabelecido para negociar coa empresa e posíbeis compradores sen que se producise unha solución, é máis necesaria do que nunca unha actuación decidida por parte das administracións públicas.
“Non achamos responsábel a actitude do Ministerio de Industria de pretender que a partir de agora sexa exclusivamente Alcoa e as empresas interesadas as que negocien, renunciando ao papel que lle corresponde, non só como mediador senón como administración que pode intervir a planta para asegurar unha solución definitiva”, sinala o deputado nacionalista, que exixe aos negociadores ministeriais transparencia e axilidade e acrecenta que a SEPI ten que xogar un papel fundamental neste proceso.
Rego, que mantivo unha reunión co Comité de Empresa e con representantes das auxiliares na pasada quinta feira (día 29) en San Cibrao, defende que tras a intervención pública “sería bon que a SEPI mantivese unha participación importante, no mínimo de 25%, na factoría para garantir un proxecto industrial solvente, estábel e con futuro; igual que debería facer o Goberno galego”.
O deputado do BNG trasladará á Comisión de Industria do Congreso a preocupación do persoal da planta e da veciñanza da Mariña pola prolongación da situación de provisionalidade sen que se albisque unha solución para reclamar o apoio das forzas políticas a unha resolución que force o Goberno a actuar. “Non é admisíbel que o Goberno español pretenda colocarse a un lado nesta situación. Fica claro que calquera solución de compra-venda ten que pasar pola SEPI e non se pode demorar máis. É preciso evitar que poida acontecer na Mariña o que pasou en AluIbérica”, sinala Rego.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
