A Mariña lucense e, de xeito especial, a vila de Ribadeo e concellos limítrofes, teñen razóns dabondo para felicitarse pola boa nova do acordo acadado entre o ente público autonómico Portos de Galicia, dependente da Consellería do Mar, e a empresa papeleira ENCE. Vén a garantirse a continuidade do uso do porto de Mirasol, como plataforma loxística para o tráfico das súas mercadorías ata como mínimo o ano 2020.
O Partido Popular foi a primeira forza política comprometida coa ofensiva en defensa do porto comercial de Ribadeo. Non podíamos aceptar que pola desidia e a falta de reacción do Goberno municipal e do bipartito, que nese momento xestionaba a Xunta, condenáramos ao cese de actividade a un porto, no que só as operacións de ENCE supoñían preto dun 65% do total da súa actividade.
Debemos lembrar que, un tráfico portuario que PSOE e BNG daban por perdido hoxe está consolidado. Non foi necesario construír unha supernave de grande impacto ambiental, tal e como pretendían no pasado, nin xerar unha guerra co Principado de Asturias, onde con cartos pagados tamén por galegos, Fomento estaba a financiar unha opción alternativa a Mirasol. Fixo falta moito sentido común, disposición para o entendemento e unha oferta sólida, crible e difícil de rexeitar.
Co cambio de Goberno en Galicia, e o acceso á responsabilidade da xestión da Xunta do Partido Popular, do equipo de lidera Alberto Núñez Feijoo, a situación mudou substancialmente. En pouco máis dun ano as conversas con ENCE teñen dado fruto a través deste acordo que ademais logrou acadar o respaldo unánime social, medioambiental e político.
Agora a Xunta de Galicia impulsará unha serie de actuacións que a curto prazo suporán a mobilización dun importantísimo investimento, máis de 2,6 millóns de euros para o porto de Mirasol, que incluirán a dragaxe da canle de navegación e a mellora da liña de atraque no peirao, entre outras.
Temos que felicitarnos por unha boa nova, pola máis que acertada defensa dos intereses de Galicia que soubo desenvolver a Xunta, o Goberno do PPdeG, materializando o seu compromiso coa Mariña lucense e o porto de Mirasol, a súa aposta polo mantemento e fortalecemento da actividade económica e do emprego.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
