Burela, 14 de maio, 2021. O Pescados Rubén Burela conseguiu tres puntos importantísimos esta tarde ante Real Betis Futsal (5-3) co gran apoio do seu talismán, Vista Alegre, para facerse cada día máis forte no gran reto que ten por diante nesta recta final. Sen apenas respiro, a Bombonera volverá a enfundarse no mono de traballo xa o martes, ás 21.00 horas, coa visita do titánico FC Barcelona (en directo por Teledeporte).
Renato, que sumou hoxe o segundo triplete da semana, liderou a iniciativa dos mariñáns. Con 35 segundos para o ecuador do primeiro acto, a Xoia Laranxa puxo o 1-0 pola escuadra tras conducila pola banda, que ampliou no 12. Reduciron distancias os de Juanito tan só un minuto despois, con Bocao, en estratexia. Edu evitou o empate no 15 nunha transición dos andaluces na que gañou o naronés no man a man con Eric Pérez. O protagonismo na rede bética viviuse no 19, con Sarmiento como salvador do terceiro dos galegos ante David Pazos.
Os béticos, que deron un paso adiante na segunda parte fronte á contención e acerto goleador dos locais, igualaron o marcador no minuto 27, nunha acción desafortunada para os da Mariña, cun saque de banda que tocou en Javi Rodríguez para coarse pola liña de meta de Edu. Non puido recuperar a vantaxe Pescados Rubén con Iago Míguez no 29, a pase de Pazos, e Quintela, no 31; tamén puxeron o perigo sobre a rede de Sarmiento Giasson e Lucho. Con catro minutos por diante, Álex Diz liderou o xogo de cinco. No primeiro cambio con Edu, Sarmiento freou por partida dobre a Quintela. Estaba a merecelo o cadro laranxa e Quintela aproveitou un balón morto para subir o 3-2. Respondeu o Betis con Burrito con xogo de cinco. Para estalido da Bancada Laranxa, Renato repetiu hattrick a un e medio da bucina, pero o Betis non estaba disposto a ceder e puxo máis emoción á frenética recta final con Emilio Buendía. Para selar a festa, Lucho asinou o definitivo 5-3 a 30 segundos.
Ficha técnica
Pescados Rubén Burela FS: Edu, Matamoros, Renato, David Pazos, Quintela, cinco inicial; tamén xogaron Javi Rodríguez, Giasson, Álex Diz, Pitero, Lucho, Iago Míguez
Real Betis Futsal: Sarmiento, Burrito, Chaguinha, Rubén Cornejo, Víctor Arévalo, cinco inicial; tamén xogaron Rizo, Bocao, Elías, Eric Pérez, Emilio Buendía, Ivi
Goles: 1-0, minuto 10, Renato; 2-0, minuto 12, Renato; 2-1, minuto 13, Bocao; 2-2, minuto 27, Javi Rodríguez ( p. p.), 3-2, minuto 37, Quintela; 4-2, minuto 39, Renato; 4-3, minuto 40, Emilio Buendía; 5-3, minuto 40,Lucho
Árbitros: Martínez Segovia // Múnez Carpinteiro. Por Burela amarela para Matamoros (minuto 23). Por Betis amarela para Ivi (minuto 29), Elías (minuto 34)
Incidencias: Partido correspondente á xornada 29 de Primeira División Masculina disputado en Vista Alegre.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
