Santiago de Compostela, 2 de xuño, 2021. O Consello da Xunta autorizou hoxe a sinatura dun convenio entre a Consellería do Mar, a Universidade da Coruña e a Fundación da Universidade da Coruña para o desenvolvemento do Plan da cultura marítima-horizonte 2030. A través desta vía redactarase un documento base deste plan no que se proporán liñas estratéxicas, iniciativas e accións para o período 2021-2023 e os pasos a seguir no futuro co obxectivo de preservar a cultura marítima de Galicia.
A esta colaboración a Consellería do Mar destina máis de 192.500 euros a distribuír nas anualidades 2021-2023 e para cubrir os custos do desenvolvemento das accións que abarca o convenio, das persoas investigadoras e de apoio e os gastos correntes de desprazamentos e material funxible, entre outros. A Fundación Universidade da Coruña, como responsable da xestión económica de contratos de investigación da UDC, encargarase da administración e xestión económica do convenio.
O traballo a realizar cubrirá todo o litoral galego para definir as liñas das políticas culturais unindo as tradicións e o valor do patrimonio marítimo. Para iso a Universidade da Coruña realizará unha investigación que estará dirixida polo profesor e experto na materia, Óscar Fuertes Dopico e a Consellería do Mar facilitaralle apoio e asesoramento técnico cando sexa preciso.
Nela abordarase unha análise para un diagnóstico concreto da cultura do mar e ademais debaterase con expertos vencellados ao sector do mar, coas principais asociacións da cultura marítima e outros axentes relacionados con este ámbito.
Estes labores realizaranse en seis fases. As tres primeiras son a de investigación, a de elaboración dun documento marco preliminar e lanzamento entre os axentes culturais e a de seguimento e realización das accións. As partes restantes serán a de análise e resultado das accións e propostas de futuro, a coordinación dos efectos das accións e das necesidades futuras e a elaboración dun documento de actualización do plan inicialmente proposto, pois será un documento vivo.
O cronograma de accións que abarca esta colaboración estenderase desde outubro de 2021 ata decembro de 2023. De feito, o convenio estará vixente desde a data da súa sinatura ata o 31 de decembro de 2023 con posibilidade de prórroga se así o deciden as partes asinantes.
Para cuestións de interpretación, modificación, resolución ou efectos que poidan xurdir durante a execución do convenio crearase unha comisión de seguimento que estará constituída por dous representantes da Consellería do Mar e dous representantes da Universidade da Coruña.
O Plan da cultura marítima-horizonte 2030 terá como finalidade promover a protección e consolidación do patrimonio galego vencellado ao mar, como construcións, obxectos e creacións inmateriais. Para iso tratará de compilar a presenza dos elementos culturais, e patrimoniais e analizar o seu estado de conservación, entre outros aspectos. Este acervo resulta de gran valor porque explica a transformación do territorio e o modo de vida da xente do mar, a súa construción social e cultural ao longo do tempo e a evolución dos seus oficios e técnicas.
Aposta do Executivo galego
Este convenio de colaboración enmárcase na aposta da Xunta pola posta en valor e recuperación do patrimonio marítimo de Galicia. Unha cuestión que tamén se reflicte por outras vías, como por exemplo, a dos grupos de acción local do sector pesqueiro aos que se poden presentar proxectos que fomenten a conservación do patrimonio relacionado co mar cos que poden optar ás axudas que o Goberno autonómico destina ás iniciativas destes grupos.
Outra mostra é o Estudo do bordo litoral desde a enseada de Broña a Punta Barquiña no concello de Outes, do que é responsable Óscar Fuertes Dopico e que contou co apoio da Consellería do Mar. Este traballo pon en valor diferentes construcións do litoral desta zona, como antigas rampas, diques, casetas de pescadores ou estaleiros tradicionais, que amosan unha parte do pasado da Galicia mariñeira e establece liñas de actuación para poder garantir a súa protección.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
