Lugo, 2 de xuño de 2021. As xogadoras do Pescados Rubén Burela FS visitaron esta mañá a cidade de Lugo para a gravación dun vídeo promocional do deporte feminino, promovido pola área de Deportes.
As “guerreiras laranxas” pasearon polo centro da cidade e polo adarve da Muralla, deténdose na zona da Mosqueira, onde se tomaron boa parte dos recursos para o audiovisual aproveitando a proxección internacional do club laranxa, recentemente recoñecido como o Mellor Equipo do Mundo de Fútbol Sala, para a promoción dun dos escenarios icónicos da cidade.
O deputado de Deportes, Efrén Castro, aproveitou a visita para desexarlles sorte de cara aos play off polo título de Liga da Primeira División Feminina de Fútbol, que disputarán do 12 ao 13 de xuño, cunha primeira eliminatoria ante o Roldán, e a posibilidade de xogar a final ante o gañador do emparellamento entre Futsi e Alcorcón.
As laranxas pelexarán pola cuarta liga de Primeira División Feminina desde o seu ascenso á elite na tempada 2009-2010 e a segunda consecutiva tras levantaren o título a tempada pasada en Málaga.
“Aínda que os títulos non paran de chegar e estades nunha xeira gañadora impresionante, somos conscientes do complicado que é manter ese nivel. Recoñecemos e valoramos enormemente o traballo que facedes, non só no deportivo, senón tamén no social, poñendo o foco no deporte feminino e servindo de referentes para moitas rapazas. Sabedes que tedes detrás a comarca da Mariña, pero estamos seguros de que tedes tamén o apoio do resto de provincia e de Galiza”, comentou Efrén Castro.
Subvencións para clubs de 1 e 2 categoría estatal
A área de Deportes ven de aprobar a convocatoria de subvencións de concorrencia non competitiva para clubs con equipos en ligas ou campionatos oficiais de 1ª e 2ª categoría absoluta estatal, cun orzamento total de 440.000 euros.
O Pescados Rubén Burela FS, con equipo masculino e feminino en Primeira División na tempada 2020-21, é, canda CV Emevé, Ensino, Peluquería Mixta Friol e Castro, unha das entidades beneficiarias desta liña de axudas que ten por finalidade o fomento e a promoción do deporte lucense no seu ámbito competitivo, e que complementa as liñas de apoio ao deporte base e afeccionado.
Na asignación das contías, valórase o número de equipos que o club ten en categorías de élite, primando aos conxuntos femininos. Teñense en conta tamén os equipos de base cos que conta a entidade, o tempo de permanencia dos primeiros equipos nas categorías estatais, a historia da entidade ou os contidos e fins sociais da súa actividade.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
