Ribadeo, 4 de xuño de 2021. A deputada de Medio Rural, do Mar e Mocidade, a nacionalista Mónica Freire ven de presentar a campaña de sensibilización mariña Coida os mares, coida a vida xunto aos representantes de Adega, a alcaldesa de Barreiros, Ana Ermida, o alcalde de Ribadeo, Fernando Suárez, e o concelleiro de Medio Ambiente, Jorge Díaz.
Con esta campaña, a Área de Medio Rural, do Mar e Mocidade pretende poñer en valor o respecto pola biodiversidade animal e vexetal coa que contamos no litoral da provincia de Lugo para poder conservar e utilizar de xeito sostible os nosos recursos mariños.
Por este motivo, coincidindo co día mundial dos océanos o vindeiro 8 de xuño a Asociación para a Defensa Ecolóxica de Galicia (Adega) iniciará unha serie de actividades de educación ambiental, dirixidas a mozos e mozas en idade escolar en varios colexios de educación infantil e primaria nos concellos de Ribadeo e Barreiros.
Entre as accións máis destacadas figura a organización de varias saídas para efectuar limpeza de praias na contorna, cuxo obxectivo é chamar a atención sobre a problemática do lixo mariño, a insostibilidade dos modelos de consumo, as malas estratexias de xestión dos residuos e a falta de sensibilización ambiental da poboación.
Os residuos vertidos no mar teñen graves consecuencias para a os ecosistemas mariños: máis de un millón de aves mariñas e case cen mil mamíferos e tartarugas morren cada ano a consecuencia da inxesta do lixo mariño, especialmente por microplásticos.
A campaña Coida os mares, coida a vida conta cun orzamento total de 5.268 euros, dos cales a área de Medio Rural colabora aportando 5.000 € e Adega os restantes ata completar o orzamento.
“Con esta actuación pretendemos dar visibilidade a esta problemática e concienciar ás crianzas da importancia dunha axeitada xestión dos nosos residuos e do noso consumo. A sensibilización ambiental é chave para a realización destas xornadas, podendo observar de primeira man a cantidade de lixo que agochan as nosas praias. O océano (vida e medios de subsistencia) é o tema do Día Mundial dos Océanos deste ano. Debemos ser capaces de conservar e empregar de xeito sostible os océanos, os mares e os recursos mariños”, manifestou a deputada Mónica Freire.
Ao longo da vindeira semana, e na que se celebra o día internacional dos océanos, esta acción chegará a un total de 100 pícaros e pícaras dos dous concellos mariñáns. Serán crianzas do colexio público de Barreiros, e dos dous colexios de primaria de Ribadeo, Gregorio Sanz e Sagrado Corazón de Jesús. Ademais de contar cunha charla educativa realizarán unha saída de recollida de plásticos ás praias de Lóngara, no caso do centro de Barreiros, e a dos Bloques e Illas Castros no caso dos dous centros de Ribadeo.
Pola súa parte, o concelleiro de medio ambiente, Jorge Díaz, recalcou que “unha das múltiples problemáticas, quizais a mais irresponsable, é a dos vertidos contaminantes, residuos de todo tipo tirados ou baleirados ao mar, usando os mares como se fosen buratos negros espaciais e pensar que todo o que se verte ahí desaparece e non ten ningún tipo de risco para a natureaza e o planeta” e engadiu que “con este tipo de actividades e campañas educativas esperamos rectificar estes nosos comportamentos erróneos e dar a volta a esta situación tan preocupante”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
