CERVO .- A ministra de Medio Ambiente, Elena Espinosa, visitou en Cervo zonas afectadas polas inundacións da pasada semana e o alcalde, Alfonso Villares, solicitoulle o arranxo das distintas infraestruturas de titularidade estatal que se viron afectadas polo temporal. Villares confiou en que proposta feita polo presidente da Xunta de crear un mecanismo de coordinación entre as administracións estatais, provinciais e autonómicas para paliar os danos causados polas chuvias “non caia en saco roto”
Nota de Prensa
VILLARES SOLICITOULLE Á MINISTRA ESPINOSA O ARRANXO DAS INFRAESTRUTURAS DO ESTADO AFECTADAS POLAS CHOIVAS EN CERVO
* O alcalde cervense confiou en que a proposta feita onte polo presidente da Xunta de crear un mecanismo de coordinación entre as administracións para paliar os danos “non caia en saco roto”
Cervo, 17 de xullo de 2010.- O alcalde de Cervo, Alfonso Villares, aproveitou a visita que fixo ao concello a ministra de Medio Ambiente, Elena Espinosa, para solicitarlle o arranxo das distintas infraestruturas de titularidade estatal que se atopan no municipio e que se viron afectadas polo temporal de chuvia da semana pasada.
Espinosa e Villares visitaron a praia de Rueta, areal que sufriu o desmoroamento dos seus accesos “e polo tanto é unha obra que necesitamos se faga coa máxima urxencia, sobre todo tendo en conta que estamos a menos de dúas semanas de que se inicie a temporada de verán” dixo Villares. O alcalde tamén lle solicitou á representante do Goberno central que desde Madrid se acometan as medidas necesarias para corrixir os posibles erros de deseño no proxecto de melloras da estrada nacional 642 ao seu paso polo municipio “e cuxas obras foron en parte as causantes de que unha casa e un local de hostalería foran asolagados polas augas da semana pasada”.
Ao marxe destas peticións, Alfonso Villares valorou positivamente a presencia da ministra en Cervo. Do mesmo xeito que fixo no día de onte durante a visita do presidente da Xunta, o rexedor cervense solicitou da responsable de Medio Ambiente “todo o apoio de tódalas administracións para que este concello e esta comarca poda volver á normalidade canto antes” e confiou en que Espinosa dia a coñecer as previsións de axudas económicas que ten previsto habilitar o Goberno do Estado “do mesmo xeito que fixo onte o presidente Feijoó”.
Por último, Villares confiou en que a proposta feita onte polo presidente da Xunta de crear un mecanismo de coordinación entre as administracións estatais, provinciais e autonómicas para paliar os danos causados polas chuvias “non caia en saco roto” e se poda materializar canto antes “porque se o que queremos é conseguir voltar á normalidade no menor tempo posible é imprescindible que todos os actores implicados remen na mesma dirección” indicou.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
