Ribadeo, 13 de agosto de 2021. No pleno extraordinario e urxente, celebrado esta mañá no Concello de Ribadeo, por unanimidade foi aprobado definitivamente o proxecto expropiatorio para a creación dun aparcadoiro en As Catedrais. Agora será remitido á Xunta de Galicia.
O alcalde, Fernando Suárez, explicou que “os temas que van a este pleno todos son importantes, pero hai un, que é unha tramitación ambiental, que nos gustaría especialmente poder rematar coa aprobación definitiva do proxecto aquí para poder mandalo á Xunta de Galicia porque queda por diante unha tramitación administrativa, que se vai demorar seguro, aínda que esperamos que sexa o menos posible, pero é necesario non perder un minuto. De feito non o perdemos porque desde que se pechou administrativamente o expediente hai poucas horas, cando os técnicos remataron a súa tramitación, queremos sometelo agora á consideración do pleno posto que é o órgano competente para darlle o visto e prace a esta tramitación administrativa para que poida continuar”.
O rexedor dixo que “o pleno da Corporación hai un tempo aprobou inicialmente este proxecto expropiatorio para o aparcadoiro de Augas Santas, someteuse ao que marcan en rigor as normas: exposición pública, notificación aos afectados, período de alegacións, no que houbo tres, que foron informadas polos técnicos, tanto os arquitectos como os xurídicos, e agora rematamos o expediente e o seguinte paso é envialo á Xunta de Galicia para que nos autorice a expropiación porque a administración local pode executar expropiacións, pero ten que ter os mandatos autonómicos para facelo”. O asunto foi aprobado por unanimidade.
Tamén foron aprobados un suplemento de crédito para a realización de diferentes actuacións tanto na vila como nas parroquias e unha transferencia de crédito entre partidas de distinta área de gasto.
Na sesión o Suárez Barcia sinalou: “vaia por diante a desculpa, se alguén se sinte molesto por convocar un pleno en agosto, aínda que é un mes como outro calquera, por convocalo pola mañá, que non é o costume pero está dentro da legalidade, e a motivación é tecnicamente necesaria para non demorar máis estes asuntos”.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
